水草情迷

小弟新手一名,住係深圳,缸設了6日,放了一堆雜草,昨日放了紅劍,4間,不知乜鯛(黃色)各2條,紅劍食草,4間周圍游,鯛就躲在草中,不願出來,關燈後好些,請問甚麼原因?
缸SIZE:L24"W15"H17"大陸缸,上面過濾,只有些綿及一袋生物圈,2支普通光管,水溫成31C,打算加支大陸CO2(1舊水左右)
下面放了一袋ADA黑泥,上面再放了一袋ADA紅泥(因荔枝公園那店只有每樣一袋)有無問題?想大家比D意見我,如養甚麼草及甚麼魚好一些,要加些甚麼設備等,重想問下旺角賣自動量PH值控制CO2那種一套要多少$,現在我可用甚麼量PH及GH?

等成晚都無人覆,真失望,唔通去哂大球場!

小弟新手一名,住係深圳,缸設了6日,放了一堆雜草,昨日放了紅劍,4間,不知乜鯛(黃色)各2條,紅劍食草,4間周圍游,鯛就躲在草中,不願出來,關燈後好些,請問甚麼原因?

鯛多數在底部生活,要躲才有安全感,正常.


缸SIZE:L24"W15"H17"大陸缸,上面過濾,只有些綿及一袋生物圈,2支普通光管,水溫成31C,打算加支大陸CO2(1舊水左右)

想種得好就一定要加co2. 光度可能不足.光質也差.

下面放了一袋ADA黑泥,上面再放了一袋ADA紅泥(因荔枝公園那店只有每樣一袋)有無問題?

再插景就一定亂,又紅又黑,不佳.

想大家比D意見我,如養甚麼草及甚麼魚好一些,

養鯛,不要加食草魚.

要加些甚麼設備等,重想問下旺角賣自動量PH值控制CO2那種一套要多少$,現在我可用甚麼量PH及GH?

PH值控制CO2,要成千蚊,冇需要.
ph,kh,gh都應ok.黑泥大約ph=5,kh gh都低.

btw,個網通常都好多人會幫你架,問多d啦.

主題答覆 : 魚食草, 你可以比糧佢食呀, 食飽就唔會成日咬草.

等成晚冇人覆, 唔奇, 因為唔一定識答o架嘛. 令你失望真係冇辨法, 不過種草係要耐心o既..急都急唔黎.
1. 呢處種草o既, 唔建議用 頂部過濾, 同套缸, 散唔到熱, 又加唔到燈, 水流沖擊又會散失 co2.
2. 混泥冇問題, 只係唔係咁好睇
3. 短鯛未習慣或者有病, 就鍾意躲起來囉.
4. 乜草都種得呀, 自己喜歡就得啦.
5. 草缸唔好養四間, 咬草又打交
6. 有人連非洲鯛都會放入缸, 睇你喜唔喜歡o架咋. 燈魚, 鯛魚, 鯉科魚都可以呀, 去別人的缸參考看看.
7. ph 控制器, 千零蚊到幾千蚊都有
8. 最平咪用 test kit 去量 kh/ph

而且你問的問題, 其實細心o的都搵到o的答案o架啦.

_________________
多多交流, 多多研究, 多多搜尋
我的水族相簿

唔該晒大家,係E度真係令小弟獲益良多,但聽到兩位咁講就大0樂啦,我唔通真係要換個缸?其實我一開始就唔想買套缸,都好似無乜見人用來養草,但係我屋企人又話好睇D(我話良良地就真),同埋屋企有個百厭非常細路,怕佢唔知放D乜野落缸度餵魚就大鑊,所以就焗住買左

我個52寸缸放了大大小小紅剣共15條.冇問題呀.冇追魚,冇食草.

convac 兄：我都系用呢款魚缸，其它問題前輩草友已答，光管可試用超光管[記得你呢款光管是23寸半長啊]或除去燈箱內光管及火牛改t5管[會輕及便宜好多] 水温高可睇下之前小弟的降温方法，都幾好㗎
http://www2.aqugrass.com/phpBB2/viewtop ... 2%D3%AD%B7

咦 好似有加底板，個潛水摩打是用來作底濾嗎 另convac 兄可否比個頂濾的內部照片看看

你支CO2多小KG？有冇表頭〔單定雙表頭〕？有冇電池閥？
我好想買一套，香港好鬼貴。以上所有設備在大陸要多小錢？
之前D網友話30、31度D草好易死。

如要加錶頭及電閥就好貴,我現在那套只有計泡器,單向及細化就130人仔,不過我會自己加個一減壓閥連雙表,電閥,我公司有很多氣動零件,可以拿D用下,不過好的氣動零件是很貴的,想問大家用開co2的電閥一般是用24V還是220V?另外我昨日買了個國產外置過濾2佰人仔,d水現在降了1度咁多,我打算拆走以前個過濾,加裝光管或FAN,現在就當成雙過濾用住先,比D相大家睇下,重有就唔該晒大家,多D指點下我

上面就係咁

這鯛叫甚麼?25元1條,hk的鯛賣多少$?

荷蘭鳳凰。都幾正wor