水草情迷

請大家比D意見
缸w20吋高23吋深13吋,atman3335瀘桶,四枝T5 22.5吋14w
diy co2,ph6.3,kh4~5,每日開燈12小時,無基底,舖沙,有水草液
以經兩星期有十條魚未死,莫絲、水芹、水榕、寶塔。
因初初嘗試所以漸進式添加器材,但一路至今一粒泡都無。
請各位師父師兄提點,提點,尚欠什麼?

如果真的23吋高恐怕T5穿透力不夠呀！另外你種的草好像都是相對比較少出泡的，最後是水流太急都有問題，你可以嘗試關掉過濾一小會便可試到，希望幫到你

DIY CO2 想出泡泡不太易[煥水後有半日壹日睇]，加上高23吋，用普通T5穿透力不足，吾夠光 莫絲、水芹、水榕、寶塔都是不太勁出泡泡的草。兩星期好短姐 水草未全穩定。無基底，舖沙也有問題[不過對出泡冇大影響]。咁多原因未冇泡泡囉 其實出泡也不是甚麼

我d 寶塔都耐唔耐有一兩粒泡睇下既...
但綠松尾, 珍珠金錢 算唔算係出泡勁既水草呢 ??

勁呀！綠松尾成棵珍珠雞毛掃咁 珍珠金錢成個泡泡燈胆咁

但我果d 一粒都冇出下黎睇. 唔知攪乜.

水流太急不成問題,我本人40L水魚缸390L過濾d草勁出泡,應該喺燈同CO2問題

這是因為你的缸太深了，可能會有植物唔夠光，一般缸的深都係18"-20"左右喳嗎，另外，你舖沙唔落基肥亦係一大忌，試問水草根部從那裡吸收養料呢。

要種到起泡，你的光照必須要比“一升水配一ｗ燈”的標準還要高，換句話說，你的缸容量差不多成１００升，所以你起碼都要有１００ｗ燈才可起舖。

再說，DIY CO2可能會唔夠壓力同唔穩定，水草不能獲得穩定及充足的ｃｏ２，那裡有足夠"食物"來做光合作用呢。所以，可能你要換套鋼瓶裝的ｃｏ２及配錶頭才可。

其實我都有相同問題, d 綠松尾, 珍珠金錢泡都冇粒, 但我既光應該有 1w 對 1L 水, 甚至多d , 會唔會關我d DIY co2 溶唔倒係水入面既關係呢 ? 但其實我以經用梗 co2 既氣石, 但d 泡都好少好多粒, 好快就升返上水面咁, 但用細化器又怕推唔郁.

d草友成日話在e-shop買錶頭連電磁閥好化算，再者，在新基買個2kg樽連氣都係400蚊。而家玩co2真係比而前抵好多，我地以前買個淨錶頭要400幾500，電磁閥又係差唔多，在買個350g的樽又要300幾400，加埋條數起碼1200左右，再加上以前只懂在魚街差氣比人搵笨七，成150充一次，邊度有好似而家咁多路數玩平野，所以，能力許可，真係去砌套co2都唔會太貴，又可必成日擔心diy co2的問題呢？

唔駛心急。我四呎缸，用沙，有基肥，30wx4，開燈十小時。開頭兩星期都無料到，但係一個月後，水草習慣了水質，根又生定左，依家經常出泡，俾d時間佢地啦。

我今日都去買左個新既 co2 氣石, d 氣細左好多, 再睇睇d 草有冇泡出先. 唔該咁多位既意見. 對我呢個新手好有用.

you can place the co2 output near the filter inlet, this will help on co2 dissolve.

唔該 ap 兄 .
我會試試 .

多謝各位,其實是我九菜個缸祇有18吋高,但co2就度到濃度太高,
請問會否水溫太高30度以上。