水草情迷

同事送我一個缸24"x12"，一個氣泵，一支光管，於是我又想學種草－－好靚．（朋友養海魚幫我唔到）

貼左背板（好似石牆）成個星期，沖洗乾淨．上星期行旺角魚街，問Ｄ店舖買左兩袋黑泥，一板木，兩塊草皮，三棵草，一袋紅蓮燈，一條小精靈，一條清道夫．之後，再買左一條18"氣石，同埋缸頂過濾．

放好個景同落魚後，第二日死左一條魚，到而家五日尚幸冇特別．不過上網睇下睇下，好似好多問題，但係又唔知點？！唔知各位前輩可否指點？感激，感激！

Ⅰ.開缸初期不要放太多魚，因銷化細菌未養好；
Ⅱ.水草有分陽性、陰性，如種水草，最好用水草泥(買泥記得買ADA，因多數前輩也用，千萬不要錯信魚街某幾間魚具鋪買推薦的日本水草泥)；
Ⅲ.陽性水草要打CO2+強光(T5/HQI)，不能用缸頂過濾；
Ⅳ.陰性水草不用打CO2，弱光(我覺得你個缸的設定，應種陰性水草)！


PS：我都係新手，如有錯，請其他前輩指點指點！

首先你要知道你個缸有幾多L水啦, 計下要用幾多Watt燈(種陰性草除外), 之後就考慮下用濾桶啦, 加CO2啦(種陰性草除外), 選擇草種和造景, 也要知道水草的種植方法, 搜尋這兒的資料, 包你幾個月之內變專家!!

有否 CO2 啊, 無就潛下水, 看下舊文.
總之魚生, 草靚咪無問題囉.
有問題, 就將你的問題打在搜尋, 看下舊文資料可否解決你的問題, 潛水後仍解決不到, 咪出個 Post, 問下人囉. 係咪 !

我重係道睇緊資料,估唔到大家已經咁快比建議我，好多謝，我會努力改善，希望成為大家一份子．謝謝！

操人兄:
我建議你俾多D時間去潛下水, 看下舊文.
因為你找到很多有用資料

補充...
如果CO2 唔大或直頭無用CO2就唔洗用氣石氣泵...
我開頭都好懷疑... 但係事實唔洗..
我呢家三個缸都無打氣.....

係呀, 我個缸30x30x16, 都無打氣, 現在都好好,

操人

缸頂過濾水流較大，會打氣入缸，水草缸並不適合。
濾桶會較好，但清洗較麻煩。沉水或外掛式的過濾器會係一個不錯的選擇。(對怕麻煩的人來說！)
相信任何植物生長都需要CO2，只是陰性草生長較慢，需要無咁多。
(因此，可以唔加CO2)

陽性同陰性草的分別是對光線的需要量。
光合作用較多，需要的原素亦較多。因此，陽性草無論對光線及CO2的要求亦相對高一些。

相信無論玩咩草，水質都好緊要；尤其養殖大類魚隻。
定期換水及注意入水速度可以幫助保持魚缸的狀態。

(少少意見希望可以有幫助啦！)