水草情迷

以前我也提出過 1cm / 1 litre 是怎樣得來？ 我相信係台灣傳來， 而之前也有網友提出過係 "完美的水族箱" 台灣譯本提出的，我也有讀過中文版， 的確是 1cm / 1 litre。 當然我也有指出中文版翻譯其實係有錯誤， 原文係 1 cm / 2 litres， 不要忘記書指的是一般既水族箱， 而香港台灣等流行的是 2 呎以下既小型箱， 係越小水量就越大變化既原則下， 其實更應把水量的比例加大。

我以前細個養魚時都試過超養， 仲要係超得很過份， 當年錯在無知貪玩。 不過既然而家有咁既資訊比到我地， 點解唔好好運用呢？ 可能人大左唸野都唔同左， 而家唸起小時無端端殺生只為好奇玩樂， 唸起佢地死前既樣都好唔舒服。 現在每次想買魚時都會想一下如果只為想有， 而比唔到魚兒適當既環境， 而導到佢地既壽命縮短， 咁同 "只為好奇玩樂" 又有乜分別？ 就算當 1cm /1 litre 是正確既， 都係一個建議不要超過的指標， 何不再養更小數量等魚兒更健康呢？

很多人會說我養了比指標多都沒問題， 咁其實等如說我手車很了得坐我車無需要帶安全帶， 無事當然沒問題。 何況一些問題， 好似長期緊張， 無型既壓力係眼看不到的。

好多魚， 唔好睇佢細細條， 好似紅蓮燈 (neon tetra)， 養得好可以養 10 年！ 只要比好既環境佢地， 好多魚其實比你屋企既貓狗更差不多咁長命， 怎至金魚咁十幾廿年一點也不奇。

希望大家能夠多點思考這個問題。

唔記得係唔係某些水族品牌出個o的小冊子都有提及這個數字, 要超養得魚辛苦, 真係不如唔好養.

_________________
多多交流, 多多研究, 多多搜尋
我的水族相簿

係 JBL， 都係抄 "完美的水族箱" 內黃金十則而編成的。

黃金十則, which 10?

_________________
友朋知所剔，何患少交遊。

問題係大多數造景都會超養
吾超既睇吾到成群魚咁
真係睇下呢度咁多缸既貼圖,包括那些高手,那一個是合標準數量的?

ps.紅蓮燈不長命主要還是有菌,我再少魚在缸中,那些紅蓮燈還是給我在身上長瘤,慢慢死掉

張紙寫1cm-2L水
有個20吋缸都唔錯,不過計o下:
40L水->20cm,紅蓮燈大小小都2cm一條,一個20吋缸只可養10條紅蓮燈!

唉，我用24" 60L 缸計過後就自知做唔到，所以無回到文

我個5呎缸，清缸才有 420L 水，剛剛好放100 條紅蓮燈！


其實 1cm-2L水呢個 standard, 比對返人的環境，係算康樂園級 (3000 呎/4人)？「毫」宅級(1xxx呎/4人)？太古城級(8xx呎/4人)？德福花園級 (6xx呎/4人)？沙田第一城級 (395呎/4人)？新廉租屋級 (2xx呎/4人)？舊廉租屋級 (1xx呎/4人)？板間房級 (80呎/4人)？籠屋級 (20呎/4人)？定係露宿者級 (無限空間)？

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663

其實好難咁比， 我地正常不停咁有新鮮空氣， 又有排污， 垃圾廢物又會停係垃圾箱唔會四圍飛。 魚缸基本上係一個半密封既環境， 氣體交換慢， 污染只由濾水處理後無咁毒， 然後由植物吸收一些 (如果有種草)， 再定期換水換走一些 ； 同陸上環境比起上尼唔同。 一個籠屋就算住一百人， 如果洗手間次次沖 (就算唔沖都唔會飛出尼掛？)， 再開哂所有窗， 咁等同一個魚缸不停咁換新鮮水， 如果做得到就唔同咁計啦。

病死魚很平常， 由其細魚通常一病發都救唔番。 但係咁並唔代表超養就唔係問題。 至於做景， 有一些人並唔當魚兒係生命咁看待， 只係景既一部份， 死了便算再買， 做景叻並唔代表尊重生命。

我只係想大家想一想自已為甚麼要超養， 係唔係有乜特別原因呢？ 無論 1cm / 1L 或 1 cm / 2L 是一個好既 guideline， 咁知道了自已超養了， 然後又如何呢？ 99% 既人會很快忘記然後死了又買， 買了又死， 為甚麼呢？ 養魚數量細一些魚兒係會健康一些係一個不爭既事實， 何不正視這個問題呢？

20"缸得10條,仲未計工作魚
1條飛胡就等於2-3條燈,小精靈2條就係5-6條燈

一個20"缸,結果只可以養1-2條燈魚仔
同時燈魚太少對佢本身都吾多好,會有心理問題,結果變成只有3尺缸以上才可以玩

問題係吾係個個人都咁大個缸,咁大間屋,如何正視?
如果再一次8萬5就有可能,還是你打算發動共產革命?(事實上香港所有樓宇面積加起來每個人也有很多地方可以住)

當然,1L1cm會易好多.同時,100%生物過濾不是沒有可能,放棄酸性水,加強打氣及有系統設計水流就可以

ps.我24" 60L, 18條魚,其中3條小精靈

個人既經濟能力， 你說得對啊， 他人如何正視？ 為何我要正視？

因為問題是你提出呀,是你要人正視
對了,你試試找找有沒有可能找到多少真的合乎那標準的缸吧,全世界的也可以
事實上單說多少水多少條根本不公平,不同魚及不同環境就有很大的分別
而同時,燈魚死亡主因是燈魚病吧,那些會生出腫瘤的原虫

So far 似乎討論氣氛很薄弱，很難 convince 到人跟從。不如大家攪清楚個 standard 先！

1cm-2L水， bottleneck 是空間？是水質？還是其他原因？這 standard 從何而來？又是如何 generalise 到不同設定和管理的缸?

個缸可以養幾多魚，個人估計是非常 complicated, 和空間，水質，魚種，餵食，日常管理維護方法等都有關，很難想像可以 generalise 到1cm-2L水定1吋-1L水！

20L 水養 10cm 金魚用501濾桶，就不見得比 20L 養 20cm 燈魚用501濾桶更健康！

_________________
魚樂無窮的混養缸
viewtopic.php?f=33&t=67319

我的 60 吋 Community Tank 紀錄
viewtopic.php?f=5&t=66429

JazZ Cafe - 水族主題的蒲點
viewtopic.php?f=9&t=56663

Andy， 多謝你理性既回覆。 個人認為一般既指引以經有很大既容錯空間， 例如萬一水質出現好似 pH 有超過1 既上落時，硝化系統會減慢一段時間， 魚量較小自然水質會較慢變壞， 應對相對也有較多的時間和容易。 指引明顯並唔係我說出來的， 更唔係在網中聽回來的， 是在一本得很多人認同既著作得回來的。 再者指引並唔係一個標准， 但係我們買魚時有否認真想過超養這個問題呢？ BTW, Andy， 你不是住在利安咐近吧？ 得閒可出來吹吹水。

去外國既魚網， 要搵一缸係指引量以下既缸真係唔難， 就這個吧。 出自 www.plantedtank.net 討論區。 也可看看 Gallery 的 upload 相片， 9 乘以上一看便知離指引還很遠。

http://www.plantedtank.net/forums/showt ... hp?t=17234

對,但同樣9成以上也是四尺缸
有2尺而在拍引以下嗎?它們都過了那指標

http://www.plantedtank.net/ryan10.html
34L 14條,仲要有一半 4cm左右既

http://www.plantedtank.net/hypercad5.html
17L 有幾爆冇需要講

http://www.plantedtank.net/gdominy22.html
這一個不爆 7x-8x L, 不過你可以看到魚嗎?只有5條,根本看不到

http://www.plantedtank.net/aizaspurz20.html
同樣是爆掉

只有100L或以上的缸才不爆
再看看AGA2004,中形及小形缸
不爆近乎沒有可能,用1L1cm才有可能不爆掉

我唔想同你玩文字遊戲， 你說找一找誰沒超養， 我找到了， 還很多。 外國的月亮不是特別圓的， 找到人超養有幾奇？ 爆的又話 100 L 以上先唔爆， 唔爆又話睇唔到有野。你想養幾多米幾多囉， 我又無話唔準， 更無權話唔準。 怎麼沒可能？ 魚係人放落去既， 點無可能？ 都唔知你想點？ 尼個討論最重要係養魚既心態， 並唔係鑽人地文字既空隙。