水草情迷

唔該我睇過好多篇文..有關水上草都睇過晒,但係仲係唔係好明白
我大約知道自己係魚街買返黎既袋袋草都係水上葉...
我想問既係我見到好多草既水上葉同水中葉形態完全唔同,但水上葉係經過轉水而變成水中葉?
水上葉->水中葉呢個過程叫轉水嗎?定係好似魚咁...轉水即係比佢適應水質??
仲有我最想知道既係有d水上葉同水中葉真係差好遠.....係咪佢自己會自動完成水上葉轉水中葉過程?我岩岩先開始種,我唔知道除左牛毛草其他草轉水中葉佢究竟係生新既水中葉定成棵會慢慢變??還是隻隻都唔同轉法??
因為我買返黎既草都好穩定暫時冇枯死現象,但又冇任何改變??
我暫時冇相機係度...但又唔記得晒d名...>< 唔好意思
如果有d特別要注意水上葉變水中葉要剪或者其他野可唔可以講少少比我知d草名?

水上葉轉成水中葉, 都係會係新芽, 原本已經係水上葉形態o既, 係唔會變成水中葉, 而且係水入面, 原本"水上葉" o既呼吸方法都唔同, 所以係短時間內就會枯竭脫落, 剩低新出o既莖幹葉片, 就係轉化成水中葉.
而係轉化過程, 水入面o既環境同陸上環境唔同, 吸收光源, 二氧化碳方式要有所改變, 所以葉片形狀亦會大大改變, 去適應水入面o既環境.
好多時會轉水中葉o既, 都係挺水性植物, 即係半水中半水面都可生存o既, 係大自然有洪水情形, 植物比水掩蓋, 為了生存, 就會轉化成水中形態, 待水退時可再次變回水上形態.
大部份有挺直莖幹水草, 都會係兩棲性o既水草, 數量真係十分之多, 就是寬葉太陽, 太陽等, 在原生地, 都會有水上葉的.
魚街有 "觀賞魚大百科系列 52 - 水草品種 II 特輯" 有好多常見草O既水中葉同水上葉形態相同資料. 可看看.

_________________
多多交流, 多多研究, 多多搜尋
我的水族相簿

多謝你既回答同介紹...好詳盡丫,謝謝

我的經驗是水中葉種得好，一直生到水上葉，最後生埋花，（德國造景法崇尚自然！）容易過水上葉轉水中葉，可能是無耐性等他由枯轉榮罷！

咦,咁我又想請教一下,如果太陽變水上葉我記得睇過個post
好似話剪左之後佢又會變返水中葉,其實係一整株變晒水上葉??
還是露出水面既地方變水上葉?如果水中既部份冇轉成水上葉,咁係咪剪草既時候只要剪左『水上葉』既部份就可以繁殖嚕?(好似買返來咁)
我成日係度諗,如果一生左出水面就成株變水上葉,咪好惡搞囉?其實會唔會有呢種情況出現呢?