水草情迷

有人用過嗎...? 貴唔貴..?
冇咁易似用泥搞到水濁嗎...?

要自己加肥先致種到草...?

thanks~

魚街日X水族$280一包

以前用過，唔見意呀，都係用返ADA好些。我試過其中一包有一個漢堡飽咁大的泥，都幾污穢。要洗好耐，都係要加基肥，只用佢地種唔到太陽那些。普通矮珍珠都可以，都要插肥。

Gonna 兄 , $280 有冇 ada 9L 咁大包....?

啊峰兄 , 我用緊 ada 1 , 唔搞佢還好 , 一搞草搞佢就大風沙咁...
Flourite 其實算係沙...? 如果洗得好澈底之後 , 落左缸係咪點搞都唔濁...?
thanks~

Flourite 我用緊,已經四年,同用係一個五尺,一個兩尺,佢本身係由幾種唔同礦石打碎而成,當中亦有磁土,所以係好多石粉,新買入缸前係要洗,可以講洗十幾過水都係好似阿華田咁既色, 唔好記望洗到唔濁先入缸, 一定會重有粉,祗係佢同泥粉比,比較快沉澱,唔會咁濁水, 但要有心理準備, 佢本身祗可以提供微量原素, 對養分控制比泥困難好多。日x 好多野都係天價, 自己行多一兩間睇下啦, 但代理已經好少入貨, 買都未必時時有,行多幾間問下, 或者問下佢地可唔可以幫你定, 我上次用左14屯,都係要定先有。

_________________
"一起推動水族設景潮流, 集思廣益, 雅俗共賞。"
Life is to enjoy.....

想問一下Ching
其實用Flourite係草缸上會有什麼好處???
因為眼看都係差不多是ADA的天下了...

ada養分配好晒可以容易有效果, Flourite將所有影響水質既因素減低, 你可以自行加減調節。但等如控制上需要一定技巧, 這等如有人喜歡傻瓜相機,唔使點攪都可以影到相,亦有人喜歡手動機可以咩都有得調校。

對新手泥的確比較容易可種到,有成功感,如果你認為你對水質控制有一定把握, 兩隻其實都可能種到靚草,祗係泥同砂種出黎既形態, 會有D分別例如葉形, 或對部分草會較易適應。

_________________
"一起推動水族設景潮流, 集思廣益, 雅俗共賞。"
Life is to enjoy.....

ching 的相簿呢 d , 係咪用左 Flourite 砂...?

http://www.fotop.net/GaryWu/woodland/C_DSC_0824_s

如果係咁又貴得幾值得喎...

造景及種草,選擇底床祗係其中一樣,要與水溫, 養分,光照水質等 其他配合,正如我上面講, 泥同砂各有佢既特質,控制唔到用邊樣都無關係,我選擇用砂而唔用泥,唔係因為覺得砂比泥好, 而係我住得遠,唔想一兩年就要車十幾廿包泥翻缸,而且屋企唔同缸如果一個用泥,一個用砂,草互換時要重新適應, 所以才決定用晒砂, 決定用砂時亦清楚管理上要比泥更要加倍注意水與變化及養分均衡的問題。

_________________
"一起推動水族設景潮流, 集思廣益, 雅俗共賞。"
Life is to enjoy.....

如果用 Onyx Sand 做基肥會唔會易少少
http://www.seachem.com/Products/Gravel.html

或 Power sand 做都可能好D喎!
我都準備反缸中

但我想問係咪用沙種草青苔控制係咪會比泥種容易d呢?

Onyx Sand唔係基肥,佢祗係seachem咁多隻底床其中一隻,而當中祗係礦石的礦物成分不同, 跟據朋友用過Onyx Sand既經驗, 水既硬度係會上升。
Power sand亦唔係耐用既基肥,佢祗係底床火山砂疏水既物料, 再混合有機肥, 配合泥用,都祗係當輔肋養分,如想當主底肥,唔會足夠。


控制唔到水質養分,過分光照,水溫高等因素,先係生藻既主因, 並唔係泥或沙既問題。但從另一角度看,泥比砂多養分滲入水中,如在相同水質,光照及水溫下,的確生青苔的問題會少些。

_________________
"一起推動水族設景潮流, 集思廣益, 雅俗共賞。"
Life is to enjoy.....

今日行了魚街全場,
好似只有 X鱗水族有賣 $280 一包好似ADA 9L泥一樣大包
但是個袋 Flourite RED 砂

師兄有乜基肥可以推介給小弟呢?

個間野要問佢...怪怪地
個女人同我講 "呢隻德國出 , 唔使替換....咁..咁...咁"
佢話落缸唔夠可以散買 , 佢話放門口果d一樣...
指比我睇邊隻係普通 , 邊隻係紅色 , 仲帶我入去漁缸睇落左缸個樣.
咁搞唔買都唔得...
門口果d 係咪同原裝一樣就唔知 , 如果真係唔夠加少少個樣都差唔多卦.





不過都好鬼難洗 , 有冇妙法...?

thanks~

$280???唔係百四五蚊包,好似真係有排洗目甘..