[問題] [分享] 唉... 我諗今次真係會体驗一下傳說中的"反水"

Michael223 · **註冊時間:** 2006-05-31 20:08 **文章:** 31

背景:

開左缸3個月, 18寸缸, 有28條魚同8隻蝦(我都知迫d, 都健康咁過左2個月). 用t75濾桶, 1層白綿, 2層生物環, 加24小時風扇, 27-28度左右, ada 黑泥, ph 6.5 除左開缸初期爆過啡藻(已於開缸第3星期解決), 第3星期起都冇試過死魚同蝦, 我以為可以平平安安咁睇住d 蝦同魚仔長大. 點知....

8月6日
發現自己個缸有隻蝦仔死左, 到夜晚再細心d留意, 重發現有少少黑毛藻. 由於數量極少, 用手同鉗清左d, 如常換1/4水. 諗住睇定d先...

8月7日
又多一隻蝦仔死左, 慘.. 黑毛藻又回復番尋日咁多(都唔係好多). 最大問題係, 其中一條燈魚身上長出白色毛狀物. 依小第以首次約4個月前開缸多次死魚的膚淺經驗, 知道係水出左問題, 應該係硝化系統有問題所致(如開缸初期, 硝化系統未完成). 心諗: 今次大鑊. 即刻換1/3水, 減少餵食(由原本每日一次改為隔日). 再觀察魚病有冇擴散, 希望冇啦. 如果聽日發現有擴散, 有病魚仔即時隔離 (相信都死梗).

分析可能反水原因:
1. 冇洗濾桶, 因為睇到有d師兄話冇咩事都唔好搞個桶.
2. 死蝦致水質變差.
3. 冇清理缸底, 係咪真係要"料"起d泥? 如要, "料"起時係咪要捉起d魚先?
4. 上星期起(約8月1日前)由隔天換水(1/4)改為隔2天換水.
5. 上星期起(約8月1日前)照明時間由每天11小時減為5-6小時.
6. 原因不明..請指教.

15 · **發表於 :** 2006-08-08 06:00

18寸缸, 有28條魚同8隻蝦<---

dee329 · **註冊時間:** 2006-07-24 12:26 **文章:** 1092

會唔會太多魚呀?

FORLOS. · **發表於 :** 2006-08-11 15:09

魚同蝦格1~2日餵一歺都得,過濾大流量唔等於可多養魚(可能硝化菌未成熟)
試吓種d浮萍,扯吓d廢物

awth_hk · **註冊時間:** 2005-11-03 10:11 **文章:** 3773

太多魚啦.... 減一半就差唔多! check 1 check NH4 / No3好喎!

艾力 · **註冊時間:** 2005-05-06 21:36 **文章:** 402

盡快將病魚隔離,魚多傳染得好快

Cliff Hui · **發表於 :** 2006-08-11 18:06

我想問你幾個問題....

1) 你的28條魚是什麼魚? 都是燈魚嗎?

2) 你平時餵什麼? 餵幾多?

3) 你的濾水器的出入水口怎樣放置? 水流可以到成個缸嗎?

4) 水草生長健康嗎? co2是diy嗎?

5) 最重要, 你家下死左幾多魚及蝦?

Michael223 · **註冊時間:** 2006-05-31 20:08 **文章:** 31

好多謝各位0既意見, 可惜小弟前幾日真係太忙(每天只睡4小時), 未有時間回覆最新情況. 希忙今天稍後有機會update 下. 多謝多謝.

Michael223 · **註冊時間:** 2006-05-31 20:08 **文章:** 31

8月15日

回覆Cliff 兄,

Cliff Hui 寫:

我想問你幾個問題....

1) 你的28條魚是什麼魚? 都是燈魚嗎?
全都是燈魚, 新燈, 鑽石燈同玻璃燈.

2) 你平時餵什麼? 餵幾多?
每日都餵一次細片狀的乾魚糧, 不會餵很多, 食剩沉底的很少, 或沒有. 水質變差後, 已再減少餵量.

3) 你的濾水器的出入水口怎樣放置? 水流可以到成個缸嗎?
用雨林管射向玻璃, 我相信水流不到全個缸, 應該都集中在後半部

4) 水草生長健康嗎? co2是diy嗎?
水草生長還可以, 陰草為主, 如莫絲, 水榕同鐵皇冠. 沒有加co2.
黑藻問題現在還可以, 沒有再增加. 但又開始有啡藻了.

5) 最重要, 你家下死左幾多魚及蝦?

蝦仔到現在食了7,8隻. 魚仔1條也沒有死. 那1條病魚情況沒有惡化, 其他魚仔都未有感染.

Cliff Hui · **發表於 :** 2006-08-15 15:48

首先..... 我覺得有三個地方出左問題......

1) 水流唔夠.... 死水好易有助不良細菌生長...
出水不要射向玻璃了, 如果怕太大, 可以將雨淋管的窿鑽大少少... 可以減慢水流....

2) 如果沒有co2, 只種陰草好了, 有枯了的草/葉就要帶走啊..... 啡藻可以用蝦處理....

3) 最大問題!!!!!!!! 你死左幾隻蝦及一條魚..........又點算係"傳說中的反水"呢???

每日都有不知幾多健健康康的魚缸死魚多過你....

boxerhong · **發表於 :** 2006-08-15 16:58

我個20吋缸, 有30條魚+40隻蘋果螺+10-20隻蝦, 少少黑毛一定有啦
以下是我的保養, 樓主可以參考一下
換水> 4日換1/3
白棉> 每換2次水換一次
餵魚> 2日少許
CO2長開無問題
水溫ABOUT 28'C
濾桶+生物環, 每2個月用水沖一次已經足夠
加少許活性炭, 水會清一些
燈照6小時已經足夠
你的情況, 建議不要2日換水一次, 太密, 唔係水會白濁, 魚同蝦都會生病
把有黑毛的水草剪去, 唔係好難斷尾

minsc99 · **註冊時間:** 2006-02-16 00:40 **文章:** 944

Cliff Hui 寫:

3) 最大問題!!!!!!!! 你死左幾隻蝦及一條魚..........又點算係"傳說中的反水"呢???

每日都有不知幾多健健康康的魚缸死魚多過你....

同意！

平常心吧！又不是死了S級紅水晶

我啋

老柯 · **發表於 :** 2006-08-17 04:30

引言回覆:

其中一條燈魚身上長出白色毛狀物. 依小第以首次約4個月前開缸多次死魚的膚淺經驗, 知道係水出左問題, 應該係硝化系統有問題所致(如開缸初期, 硝化系統未完成).

老柯有小小幾膚淺個人睇法。

1. 如果硝化系統有問題，Ｄ魚係中毒而唔係「發毛」；頂多話條魚中

水草情迷

[問題] [分享] 唉... 我諗今次真係會体驗一下傳說中的"反水"

誰在線上