|
真係平好多...
我趁重陽節有一日假,零零丁丁,一個人去了深圳買野,之後有d後悔...得自己一個人上,同點解咁遲上.
自決定開個大缸後,一心想買水冷同hqi,不過fs實在太貴了...潛水後知到深圳買平好多.
上到去,本來想去埋沃爾瑪,但去完金典買完野,而經無再去了,因為d水冷同hqi好重好重...x_x
我買了日生cl-450,香港買19xx,上到去...6折
hqi,我買了atman 2*150w + 4*24pl, 仲同我免費換草用管,兩枝hqi係philips管(本來想買cyber,夠平但上面無)香港不知賣多少,上面賣....(水冷+hqi+timer($30) +講價=2850 自己計啦)
最重要係服務真係好好...fs,真係無得比.
水冷老闆娘話無貨,要第二天才有,我話唔得啦,我只得一日假.佢就同我打電話去貨倉叫人送來,但要兩小時,所以我就去了書城打了兩小時書釘(金典所在的大劇院站即是書城那個站c出口,見圖).
我自己一個人上去(女友要返工...所以得我一個),仲只係帶了一架小小的拉車仔,但買完之後,金典一個後生仔售貨員話我部車太小了,陪我去了附近蔡屋圍的幾間鋪買車仔,雖然買了最大部的,但係佢話唔夠長放兩件野,所以佢返屋企(應在附近)拿了兩條木板放在車仔上面,仲同我用尼龍繩先紮好兩塊板,然後才放hqi和水冷,再紮好.足足紮了十分鐘(見圖).
因為我得一個人,紮好後又上唔到的士,個後生仔又同我一齊拉架車仔去地鐵站,等我入閘後,佢仲問我得唔得,要不要同我一齊去關口.我都唔好意思叫佢啦,怕阻佢做生意,話唔使啦.
之後在閘內,我找不到升降機,只好一個人拉車仔搭電梯,沿途去到深圳河之前都有好多電梯,無乜升降機,有都唔開-_-,最慘係由羅湖地鐵的商業城出口入聯檢大樓(中方)有好多地方有七八級樓梯...我一個人拎到死...早知叫佢一齊.過了河去到香港好好多...沿路都有升降機,一程火車去到尖沙咀,會合女朋就搭的士去油麻地屋企.
但個hqi實在太重,唔敢放缸頂,好在佢包埋鋼絲.(不過兩隻燈腳有一隻不知所踪,可能佢比少了,另一隻爛了,可能我途中自己弄的,美中不足,好在我用不到).
另一樣後悔,就後太遲上,原來上面有co2,唔係鐵樽,係鋁,而且係香港頭,因為我見新寶都係賣那一種(鐵錨牌),老闆娘話香港都可以差氣,不用換頭,仲話香港都有代理,比張彩色的單張我,我見個代理原來就係新寶(地址都一樣係必發街).佢話香港代理用個錶頭係x字頭那隻,無咁好,但平d,佢都有.佢介紹另一個錶頭連1kg樽,都只係六百幾,又平我去新基買870老通樽+tiren頭二百 T_T....
您沒有權限檢視這篇文章所附加的檔案。
最後由 kenli 於 2005-10-13 17:35 編輯，總共編輯了 1 次。
|
登入
註冊
問答集
