|
hi littlepillow大大,
有樣野...想同你講左好幾次...又冇膽開口...heheee
恕我唐突....我既直覺話我知...如果我認識你, 我們會係夾口型ge好朋友 (單方面的)...hehe...
我都失望左好耐 (sorry...我唔係想踩版大既台), 唔知係唔係因為gum, 有時回post既態度都好像比以前差了, 也變得沒有耐性了. 有時會諗, 唔願意就唔好回post, 何必要製造雙輸局面呢? 但有時眼見問題被人理直氣壯地歪曲, 又或者同一問題出現了好幾次都沒有人回答時, 都好心痛下, 我就會忍唔著要"扮代表"了~ (EQ太差!) 惡性循環由此起! 其實, 有好多post...如果大家認認真真去討論, 去develope... 可能大家所得出既結論會令大家都更有得益, 正如我一年前講過..."問問題者與答問題者既質數係成正比ge", 量唔需多, 質數高就可以了. 但往往資料性越高既 post, 看post既人真係會越少! 我會用一個positive既心態去看, 一個人要吸收幾多, 是很個人的. 我從來唔會迫佢0地吸收ge...佢0地又唔我邊個 (所以呢, 我係冷血ge).
可能我為人古板... 我由始至終都覺得版大以前管理得嚴D好D (sorry sorry...我又口多 =P), 版大一放鬆(唔知佢老人家係唔係真係放鬆左呢?), 大家就唔識自律 (不過我發覺, 一到夏天, 大家血壓特別高). 我最討厭係, 好好一個topic會突然變成"俏俏話". 甚至濫用"會員通訊"和"心情抒發區"兩版!! 最近大家ge八掛情緒仲越來越高漲, 開始要公開別人既私隱, 又或者利用別人既私隱, 更可怕就係利用自己既私隱呢!
其實...唔知係唔係大家喜歡睇娛樂版多過港聞版? 我都好明白, 一本/份刊物好難沒有娛樂版, 但是兩者比例又應如何呢? 我們究竟要一本八婆雜誌, 還是一本資訊雜誌呢? 大家仲記唔記得, 當初上網search到"水草情迷"既目的是什麼? 我有信心, 大部分人最初本意都唔係為八掛.
不過我都開始睇通左, 我試過比人直指出post 內容太深. 但本人覺得問題不是出自"深與淺", 而是大家有冇"心", 好些人好似唔明白自己想"問什麼", "要什麼". 眼見有心討論既人越來越少, 都好無奈.... 現在唯有遇到"有心人", 就傾多兩句, 有d人...答佢都浪費時間! 得閒睇下缸好過. 其實, 如果一個討論區長期處於不健康既狀態, 會是誰得? 誰失呢? 我最心淡係見到有些人為"拗而拗", 有些人為"氣而拗", 有些人為"背後目的而拗", 有些更是為"沒有理由而拗"!
最值得關注既係...近來連無謂既非水族廣告/買賣都開始多左呢~ (係mug 野...大家心照不喧便好了!) , 有些人更好像一早部署好的, 須知道, 一涉及錢銀, 大家都特別易眼紅...無謂爭論由此起, 爭拗又引發猜疑, 何必lei? 廣東話有一句粗話:"係度食, 唔好係度屙", 你有本事, 有骨氣既...唔好靠人! 凡事莫急進ar~
以前呢度管得嚴, 比人話冇人情味; 而家管理得鬆咩, 大家就唔自律...
人都真係奇怪ga la.... 害蟲永遠都有新品種, 除不掉!
但願各人自律, 珍惜手上擁有既一點自由! 尊重一下別人, 也尊重一下自己! 有緣既人總會遇到知音人的!
littlepillow大, 真係好耐未見過有那麼認真既人係水草情迷出現, 共勉之!
to all,
我諗....littlepillow大大成篇野ge重點係要大家反省一下"我們為什麼要瀏覽水草情迷?". 而不是罵戰ge延續篇!
ps.
- 以上全是個人觀點, 絕不會強迫大大們洗腦!
- 如果我引起各人不安的話....我要先say sorry!
- haha....今日又做左長氣袋...可能這幾天下雨, 人也要發思古之幽情
- 我不是因為最近既罵戰而有感而發, 而係我對人既質數有著太高既要求, 才引致有點"失望"吧~
最後由 Winz 於 2005-08-22 00:01 編輯，總共編輯了 1 次。
|
登入
註冊
問答集
我特登整到個頭像咁cute都俾你識穿!
睇咗兩日都~有言不敢發,好驚比人話我係[老坑]!! 
