水草情迷

我個缸要大攪了……

想問吓黑鋼沙同珊瑚沙的分別係咩？對孔雀魚黎講邊種好？
另外，睇到呢度有一個主題，話如果想用泥養孔雀，可以係個濾入邊加少少珊瑚沙，或者用個網包住放係水入邊，其實又得唔得呢？
因為我想D草靚，又想D孔雀靚，住係一齊咁。

麻煩各位了^^

黑鋼沙同珊瑚沙, 跟本就係完全唔同既野黎喎.
黑鋼沙係人工製品, 偏中性.
珊瑚沙係死珊瑚既骨, 差唔多都係鈣質黎.
養孔雀就會用珊瑚沙囉.
用泥加珊瑚骨黎養孔雀, 只係治標既方法, 只係令水冇咁酸, 咁對孔雀會少少, 但係對草又變得冇咁好.
兩種本來就係唔同水質既野, 有時唔一定可以係埋一齊呀, 勉強冇幸福, 一係養粗生品種既孔雀, 唔好太大尾既, 草缸都會養得唔錯既.

黑鋼沙是鹼性的:
http://www.aqugrass.com/phpBB2/viewtopi ... ht=#280488

我今朝試過將濃硫酸加落濕嘅黑鋼沙度,
即時嗅到燒焦膠味(因濃硫酸遇水會產生高溫),
再格一陣,就嗅到臭蛋味(相信是硫化氫),
所以我推斷黑鋼沙是一種膠粒或硫化物.

其實不能證實, 係唔係所有叫"黑鋼沙" 既, 都係同一種物料同來源.
就算係fs, 亦有大棵粒同細棟粒既出現, 係人工製成品就係一定的了.
ph 是多少, 測試方法同物料亦有待再證實. 但以前某些叫黑鋼沙, 就是偏中性的呀. 仲係好油, 要洗好耐都唔清既添. 而硬度亦會界手同整花玻璃.

唔該草人 & WCT~
草人呀，我D 孔雀本身已經好細尾，因為我覺得大尾太誇張了。但係都一樣係個加咗啡泥0既缸度燒到死死吓~
昨日番去，已經有兩條燒到變咗做燕子尾……好傷心。幸好買咗一包珊瑚沙，另外開咗個超細缸，舖咗一層好薄0既少養住先。
至於水方面，我照用番泥缸水，再加少少擺咗一晚0既水，因為唔想D水突變，D魚魚死得仲快……咁做啱唔啱呢？
今晚番去，諗住拎起晒D泥，將價值5蚊0既沙加落去D舊水度……擺兩三個鐘，再將魚魚過缸。

wct，乜咁浪費黑鋼沙呀……比我仲好啦^^
不過你真係好勇呀，仲好有科學精神，我唔敢搞d硫酸ga~

唔好靠估呀, 用 test kit , 對下 ph 啦, 轉缸都要對足水, 你既魚已經傷左, 仲更加要小心.

多口問句，test ph的葯水邊隻好？幾多錢呀！

我唔敢話邊隻好
我買果隻叫Hagen
可以test 225次
賣$28左右
(建議你留意到期日
因為通常過左期都未用得完)

_________________

唔該晒呀~~Caca@HK