水草情迷

請問 新開魚缸是否須要做些特定的步驟？否則有些甚麼後遺症？
玻璃虫﹝幼如綿絲, 約3mm長, 作S形抖動﹞是否與此有關?
對魚兒有甚麼害處? 魚食後會否冇命?
而家成個魚缸充滿恐怖氣氛, 頭都大晒, 煩請大大打救！

我都叫做起過幾個缸，我一般既步驟係：(假設某年某月1號起缸)
1號：新缸先注滿清水，加入大量漂白水，加個潛水泵做水流。
3號：抽走d水，再注滿清水。
4號：抽走d水，舖底床，加濾水器，濾水器祗加白棉，唔要潛水泵。再注滿清水。
5號：再抽走d水，注水至剛過出水口，換白棉。
6號：插草。之後水喉盡慢放水入缸至缸頂
8號：換白棉、加生化棉及生化環，落適量魚。
整個過程唔駛十日，期間乜菌乜液都唔駛落，都唔見有乜草枯魚死，水都係幾日就清，冇乜頭緒即管試下。
如已起缸有蟲，可以落TDC殺蟲。

p.s.睇下下面，個缸大約等於6號影，對我有冇信心呢？

多謝晒嫘絲, 個缸好有個人風格喎。
我個缸嗰啲虫, 係唔係叫玻璃虫? 對魚有冇害, 我見到佢哋當點心咁食,
如果冇害, 咁咪連買魚糧都慳番?
我近排啲魚排隊咁返歸, 唔知是否與此有關?
仲有, TDC是否成葯, 邊處有得賣?

TDC魚街好多鋪鋪都有得買
枝野你會見到個名係咁擺(樽張野)~最頭果個字係紅色
TAIYO
DISEASES
CONTROL
佢可以係寶~又可以係毒藥
份量一定要好岩OR少D~~多D就死硬魚
唔好睇佢大大枝就好似唔洗錢咁落多D

_________________
~狗會~有興趣可以加入
http://www.hkschnauzer.net

可以咁叫，我地統稱依d做線蟲，對魚無害，但係要留意點解會有：一般係食物過盛，生化過濾系統分解唔晒，影響水質，相信依d係導致魚兒死亡既真正原因。治標係落tdc，同個缸消毒，治本係減少魚糧，勤d換水。