水草情迷

我的王子像口孵著bb咁.
怎知道是否真?不用理會她嗎?如真的,她們會不吃東西?

你可以試用食物來測試佢..
如果食物在眼前都唔開口進食, 就應該係有含魚卵~
由你見到佢含魚卵第一日開始計起, 佢在 10-15日內都唔會進食..
如果想 bb 生存, 就要 strip d 魚仔出來..
不過你要好小心, 如果唔係你會整傷條魚個咀...

strip?條出來?不是母親會開口讓bb出來嗎?
我頭先拿住魚糧,佢都游過來,不過佢就真的沒有來吃!

你當睇唔到就得，太緊張反而會累事。唔駛特別做野，暫時可能仍是卵，自自然然會孵成BB，到時你會睇到d BB係口中游水，再遲d會放d魚出黎游，游一陣又會啜翻入口，如是者幾日後就會放d bb出黎，正式脫離母體。一次可以孵十幾廿條，好勁架。
個人唔係咁贊成用Strip，天生天養，一般都係d商人養貴價魚，想減少損失，至會用這方法，好似要仔唔要乸咁。真係孵唔到，咪下一次囉。

明白
我都係林住咁.
thx你們2位.

個缸係公司定係屋企？如果係公司我都想黎八下，見到魚仔係媽媽個口游下游下真係好得意。

這次是在家裡的.
公司現在就只養了5隻斑馬蝦仔.只用個膠缸養.(之前的非洲鳳凰都已經bybyb了...)

見到魚仔時記得影張相上黎一齊開心下。

唔好意思, 之前睇唔到個 post, 走溜左眼~

Chriz 兄,
相信你條王子係第一次有 bb 吧?
我聽過好多前輩o既意見, 佢地話如果 d 魚係第一次含卵,
做主人o既就應該俾條魚去學照顧 bb, 所以最好係俾佢 "hold full term"~
即係話, 等 21 日後 d 魚仔自然地出世~

不過, 如果用依個方法, 就有 2 個有可能發生o既壞處:
1. 在10 -13日後, 條母魚好有可能忍受唔住飢餓, 會將一部份/所有已受孵化o既魚卵吞落肚.
依個情況係非常普遍, 通常都會發生係d 第一次含卵o既母魚身上~

2. 如果你個缸有其他魚, 當 d 魚仔一出世, 就會俾其他魚食晒~
唔....見你個缸有依 d 魚 ---> 羅漢,鸚鵡,藍斑馬,橙鳳凰,金豹
我唔係咁睇好你將來 d 新魚仔可以健康成長....

你要選擇那個方法 ----ie. Strip or Not Strip? 便是你自己的決定了~
如果俾我選擇, 我會 strip...因為我唔忍心睇住 d 魚仔俾其他魚做點心!
其實我在 9 月時都 strip 左幾條魚, d 魚仔依家已經 3cm...
d 母魚亦沒有問題, 仍然非常健康, 而且不斷繁殖呢~

問題..其實係在於 stripping 時所用o既方法究竟正唔正確?
如果係正確的話, 做一件可以令到母子平安o既事, 何樂而不為呢?