水草情迷

見條孔雀個肚大左好耐, 試過幾次捉左佢入個bb缸度, 見佢無咩生的意思又放返佢出來. 個肚就非常大, 請問有咩辦法可以較為準確地判斷條孔雀幾時會生得出??

好似見過d貼文話見到個肚有黑點 (即係bb的眼)就會在2,3日內生, 係咪真呢?? 請各位養孔雀專家俾d意見.

小弟的經驗是,如果發現母魚唔多願郁就代表就生得。 黑點係胎斑, 如大肚很久又見到
bb魚眼都代表差唔多, 要放入生仔缸了, 牠們喜歡在黃昏,清晨..最唔為意o既時侯生bb。

我唔係專家, 不過我尋晚睇住 d 孔雀 bb 出世, 生之前個黑斑會好大, 係 d 浮萍下面唔多郁, 一開始生就四圍遊, 晚上12 點開始生, 尾出先, 一出黎就沈落水底, 唔多郁, 跟住慢慢跳下跳下咁好似學緊游水 ..
今早數數生左 10 條 , 唔見佢食 d 魚仔 (佢係缸面, d BB 係缸底), 又可能食左我都唔知, 不過都係捉返佢返大草缸了 ... 而家比緊 JBL Bady 糧佢地食 ...

恭喜。

以小弟的經驗分享下
孔雀魚想生仔時的特徵係當見到個肚好大又有深黑點 (即係bb的眼)時,
o個－星期就要小心la,孔雀魚係臨想生魚仔前會停留係一處不動(但仔細看係前後前後搖動),d旗會义得好直好直(有d孔雀會唔食野),o個時就要小心d,千祈唔好赫倒 亻巨,當生左第一條,就可以放亻巨入生仔缸la
但我試過食炸糊 就係生左4~5條之後過左3~4日先生埋其餘o個d

_________________

多謝各位, 不過都仲係未生得.

你想知佢生得某程度都係驚佢食d魚仔
你可以在繁殖缸放大量浮面水草~
當魚仔生後~畢走條無魚

終於生了, 見到有5條. 唔知會唔會有d被條媽媽食左.