水草情迷

一年喇, 差唔多一年喇....自從舊年七月開始, 因為結婚同屋企大裝修關係, 被迫要暫時放棄一個四年o既興趣: 水草魚缸.

人生進入另一新階段, 一齊都有好大變化, 所以將本來養開o既水草魚缸, 都要臨時讓路, 專注準備自己婚禮同埋埋首悶幹裝修事宜. 好彩識o左水濂洞水手兩年, 由佢o係土瓜灣開鋪開始一路都以朋友形式交流(亦係佢生意上o既模式), 得到水手o既幫忙之下, 將所有養開o既水草, 魚, 同用開o既器材暫時全部安放o係佢鋪頭(
佢冇收我倉租喎, 呵!), 等我可以全心全意準備自己o既人生大事.

o係裝修問題上, 因為自己肯定o左要繼續養魚, 同埋一心諗住攪一個綠化屋企, 所以同裝修師父呀, 同埋訂造傢俬o既師傅相量, 講下配套呀, 魚缸柜款式同安放位置等等問題....但係惡夢就o係度開始喇!

待續...(下次有相o下!)

ps: 圖像o既唔係我老婆, 呵呵~