水草情迷

在復活節期間往福建和西安跑了一趟，是為以往的孤兒院義工項目埋尾，4 月19 日晚上才回港，跟住寫 report 和在 cafe 清絲藻和換草，既忙又樂在其中。

在那個 weekend 我做了一件和太太傾了好耐但一拖再拖的事，就是將住緊的兩間村屋放盤，因為孩子漸長，在村屋居住對他們發展自己的社交圈子有一定的不方便。但住緊兩層村屋，要搬出市區真是談何容易，諗起都依依不捨！

最神奇的事，其中一間在第一天賣出，另外一間也在一星期後賣出，真是感謝神。

跟住要煩的大家可想而知，現在正揾新樓（租）巳經唔算，到揾到屋後籌備大屋搬細屋才真要命，D 魚缸，HiVi, 書, 黑白膠, ... 諗起都想死，個五呎缸衰緊，希望保到三呎位玩兩層 36" 缸啦

呢段時間會較忙(其實由 Easter 起未停過)，各魚友找我有待慢之處請多多包涵！

個五呎缸有人啱用不妨 PM 我！

有得搬屋係一件好事黎架,煩得黎其實又煩得開心,恭喜恭喜

能者多勞嘛~
還抽空寫出精彩教學文章....好野....

希望你早日安定,
繼續水族熱情...community everything..... good~

_________________

www.cau-aqua.net


http://killieclub.hk

Andy 兄在煩搬 屋時仍能update了Community Tank 大作，重有孤兒院義工項目，好厲害。
孩子漸長而要考慮搬家也是小弟心中的Agenda Item。

希望之後可一起分享一下搬魚缸的注意事項，因為好多時都會傷亡慘重 。


Cheers

細屋搬大屋就爽啦，但大屋搬細屋都十分頭痕，R 到髮線上升啦！

Thank pals

其實主要 cut 左行魚街和上網交流／吹水便夠數了

ANDY, 搬屋咁大劑呀......我試得多喇, 唔敢再試喇......怕怕喇........

你重有某時間搞你CAFE既陰缸呀???

陰缸o者....慢慢黎囉
而家攪掂左搬屋先嘛~~

我都試過大屋搬細屋(唐樓搬去新型屋苑), 真係要放棄好多野, 諗起都怕怕(真係唔明有D朋友鐘意成日搬屋 )

Andy兄, 你要幫手時嚮情迷吹雞, 相信有好多網友就到時間都會拔刀相助架!!!

村屋居住對他們發展自己的社交圈子有一定的不方便......

家下D人際關係咁冷漠，住大廈都吾一定有計傾，仲分分鐘打大交

um.. 我都唔係好明Andy哥個point係嘜.?

em.... 一半一半啦...
住大廈, 得閒可以叫 D 同學仔返屋企玩...
到樓下公園都有其他小朋友嚮道.... 唔會冷清清....
不過而家 D 大廈冷漠得出奇....
住村屋... 覺得會開朗 D, 開心 D.

我都有一個經驗，就是要把兩個單位，搬去另一個單位，但由於交吉期要兩個月後，所以要先搬去一個短期租約單位，當時真是放棄了很多雜物，但兩個月後又要搬去新單位，真是頭都大了。當時是年廿八開始搬到短期租約單位，最辛苦是不能叫車，由於是一條街之隔，所以用手推車推呀推，推足一星期，到搬新屋時當日是清明節，好彩我百無禁忌，現在可以舒舒服服了。

但某d村屋...成村都係黑社會咁濟嫁喎@@

Andy兄對各方面都咁有心, 真係難得, 平時睇你d post知你對水族好有熱誠, 點知對義工工作, 對家庭都咁有承擔, 真係我偶像!!! (唔係講笑吹噓架!! )

我近兩個月先搬左屋, 不過我之前同家人住, 而家搬出黎自住, 所以空間會覺得大左
以前都試過大屋搬細屋, 好多大少少既家私都唔要得架喇!有小朋友既就更多野要掉...

希望你順利過度喇...(我梗係指d魚d草喇... )