水草情迷

我發覺養開魚既人，如果係真係認認真真咁養魚的話，身邊既女友都一定唔like多。。佢地永遠都係會係你買魚、買草、買補品、對水、換水既時候煩你、阻住你，甚至嬲你。。。
我老豆老母係咁、我d 朋友又係咁。。連前兩日行魚街都見到有個女人唔俾男友買袋裝魚：你呀。。今日唔準買魚呀下，曬晒d錢。。
其實買一袋買要幾多錢丫。。食餐M記都冇左啦。。
你地有冇以上經驗？
分享下解決辦法！

有上經驗老豆老母係咁:n


女朋友又唔同我去魚街 但又要M記食

真好啊

我就比較好啲喇,我女朋友初初對魚魚草草都無興趣,但同佢一齊出街好多時都會行魚街,可能係咁唔行都行咗4年,由佢乜都唔識到依家有時仲會同我一齊執缸做景Tim,至於我阿爸阿媽咁多年嚟都無反對,而且仲成日同我留意嗰缸有無死魚,我諗我就比較幸福喇

我自求我道.....

_________________
閒來養魚種草樂；悠哉生活過一天

我識我女朋友時佢都知我鍾意養魚，佢第一次黎我屋企時已經同佢講明第一唔好搞我家姐個琴，第二唔好搞我個魚缸，我已經成功地將個缸化為神聖不可侵犯，唔到佢反對了

我GF成日話我煩....話我淨係掛住D魚~~我同佢講魚佢一D興趣都冇~ -.-

恭喜恭喜

_________________
現代常用的炸藥有Trinitrotoluene,簡稱TNT…

我女朋友都唔鐘意，佢話金魚唔吉利wor…(跟住我走去養蝦同水草，激死佢~)
同埋如果俾佢知道我走去搞d 魚，唔理佢住，實嬲。

我阿媽唔比養魚。

我女朋友唔鍾意魚，但佢專重我的興趣(只要唔同佢講、唔同佢睇就得 )
相反我女朋友鍾意唱歌，我唔鍾意。
所以我玩魚講魚都只同魚友分享，佢唱歌就同佢自己D friends去唱K，各有各玩

_________________

我老婆以為我傻o既,望住o的魚可以望成晚,成屋都係魚缸,她通常用奪命凡音.但我都係選擇性失聰

青頭,
另一種方法者~~搵到方法解決就係好啦

PS:好似唔關我事...未有女朋友..走黎答爹 唔好打我

_________________
~狗會~有興趣可以加入
http://www.hkschnauzer.net

我女友唔反對仲一齊同我玩草,魚,鯛,蝦
不過佢只喜歡好細o既魚, 好似巴迪司! 唔喜歡我買大o既同貴o既魚, 鯛, 蝦, 叭.......曾經同人夾計但後尾俾佢知道左我買貴蝦, 哦足我幾個月 =.=
我地最開心係見到花草生長茂盛漂亮, 一齊晚上包草送俾人分享; 細新燈同紅鼻食到比買果時肥大左3,4陪; 魚魚健康自在水中游伐, 餵bbs你追我逐; d鯛由無色養到起色, 起晒翅互兇甚至追打; 睇住由5,6隻紅水晶玩起, 到衣家紅,黑水晶,鑽石, 櫻桃, 雜蝦輪流爆殖生蝦b, 記憶裡有著種種興奮同喜悅......

_________________
駐深圳特派收數員

8 大大，你篇野睇到我起晒雞皮，感動中 .........

_________________
蝦蝦相簿
食獸柴房