水草情迷

尋日去大黑店買10條細新燈...果個見習生幫我撈,撈左上黎,見到有條唔係新燈既魚混左入去..諗住撈返la...撈左好耐都撈唔到( 因為個兜圓 )...之後佢放棄唔撈,當新燈咁比我... 果陣我重未知..
之後搭車去第二到果陣睇下袋魚先知道,有條死左,有條唔係新燈...咪返去換囉...
去到果到,我同另一個見習生講"有條唔係新燈wo.."
佢睇左一睇,就話"咁ar,我再撈過比你la...""e...有條死左添wo...換埋比你la.."
我叫佢幫我換一換埋d 水,佢話"好...無問題...等一陣ar下..."
之後話"睇下有冇問題...下次再黎過ar.."
我覺得果位見習生幾好禮貌..
------------------------------------------------------------
一行入去短鯛區,就見到條大酋長係到食舊大黑毛藻 即時冇興趣睇...

係咪$5@一條細新燈！！
好好喎個sales！咩樣....等我下次去叫佢幫我撈魚先！

做乜咁肚餓...餓到咁...

係ar...我買左10條($45)...( 岩岩見佢有得賣果陣...$4.5一條嫁,$40 10條...)
叫咩名就唔係好記得la,但係我認得佢個樣... ...因為佢好似一個演員,但係邊個演員,又唔記得左.. 應該認得佢既..
佢地好似唔餵魚咁既...d 新燈瘦到麥咁 , 開頭佢撈比我,死左果條,睇得出係瘦到死左...個肚見到骨... ,返到屋企睇,條條都咁瘦.個肚凹晒,對緊水果陣已經忍唔住餵野比佢地食... 而家個肚冇凹了...重好好色.. 遲d再買多幾條先,好似少左dd...

唔知係咪換左d 店員呢...

好店員, 要表揚, 原來發記仲有多一位似人的好sales

但係清下d 缸就重好...

大家覺唔覺發記換左好多新人呀

_________________
http://www.ec-photo.com/orsaikit/

大黑店d新燈4個半一條細得好緊要喎

我覺得細細條幾得意,放係個細缸到,顯得個缸好似大d 咁.. 但係佢d 新燈好瘦...

剛剛睇到講開大黑店,我想講下水草區有個sale,係男性(15-50歲)入去佢都"哥仔前哥仔後"咁叫人(o的語氣十足十好景商場賣四仔o的道友咁) ~我覺咁好無禮貌!!
今時今日咁既服務態度點得架~~~

係啦~我都覺得佢好嘈~大黑店走高檔線,
但多左把聲係度叫賣,好似好cheap同格格不入~
同埋大黑店d新仔撈魚技術渣到冇人有,o個次去買魚佢撈左勁耐都撈唔到,仲有條俾佢攪死左添-.-

叫"哥仔"唔係好無禮貌咋下話

佢地撈魚既技術就真係有點兒那個既...
果次佢(見習生)撈d 細新燈比我...大大力咁打落水到...d 魚嚇到跳起晒...
之後佢好似好用力(見佢隻手臂好用力)係到撈d 魚... ...點知撈極都撈唔到一條...
之後都係冇放棄,係咁撈撈撈...撈到d 魚攰晒咁...之後先撈到...
佢撈到果陣,d 魚明顯係游得冇咁快... 比我就慢慢黎...反而易撈..又唔洗嚇到d 魚咁...又唔洗咁晒力...

另外,其實我覺得5蚊條都幾抵...養左一排,唔係好耐...已經大條左好多...同10蚊條果d 差唔多

同意 "我都覺得佢(好嘈)~大黑店走(高檔線)"
對同一個客...(哥仔搵咩野草呀介紹下喎...)講幾次,一次咩都夠啦~把聲又大,好煩!

叫"哥仔"唔係好無禮貌咋下話
我覺得呢好視乎咩野年紀同場合講,對比自己年長既人就唔應該用,何況係招呼緊客人!