[分享] 有無人玩過金絲貓呀

貝斯卡 · **註冊時間:** 2005-08-11 02:40 **文章:** 93

我記得有些名叫哪叱, 孫悟空, 唐三藏,黑白雙剎,皇中皇,大金花 ......
我細個時姐姐的同學成日買玩架, 可惜到我小學已經沒有了, 依家唔知有冇得買呢? 有無朋友知道邊度有得買呀?

Andy Kong · **發表於 :** 2005-09-30 16:59

wow, 30年前有玩，主要係老督同紅孩兒兩大陣型，前者架劍，後者玩欖球咁鬥推！

HKFISHBALL · **註冊時間:** 2005-06-05 03:18 **文章:** 616

冇得買咪去捉囉..........我細個果時都去捉過......好得意....又好危險...
唔知葉入面果隻係咪金絲貓.......有時係虫虫尼o家.....

nil · **發表於 :** 2005-09-30 17:26

你講o個D「金絲貓」我就冇玩過﹐但係現在想玩「外國金絲貓」﹐嘻嘻嘻！

榮 · **發表於 :** 2005-09-30 17:27

仲要用有刺嘅葉砌個籠比佢住.
D葉要用濕毛巾包住等D葉冇咁易枯.
細個冇錢買,要自己上山捉.
通常D金絲貓會住係兩塊葉中間.

阿森納 · **發表於 :** 2005-09-30 17:42

我細個時都有玩

我記得有分督同pop......
仲有佢地臨埋牙會歪pat......
又要買或捉D細隻金絲貓（教牙仔）餵佢

龍炎舞 · **發表於 :** 2005-09-30 18:14

@@果時同學同我講去捉金c貓仲以係真果d貓

F91 · **發表於 :** 2005-09-30 18:49

小學果陣有玩呀~買既~無捉過

no no · **發表於 :** 2005-09-30 19:03

果時有得"潛",好似5亳定一蚊.

白菜仔 · **發表於 :** 2005-09-30 19:09

我都有玩過(細個個陣),都係玩老督同埋紅孩子,不過紅孩兒要搭船去大嶼山先捉到,不過而家都有得捉金絲貓(普通個d)...不過就好細隻

Chacha · **註冊時間:** 2005-08-03 20:33 **文章:** 154

金絲貓排名榜:

金花仔$1, 紅孩兒$2, 雷老虎$3, 方世玉$4, 孫悟空$5, 觀世音$6, 黑白雙殺$9, 王上王$10, 炮王$15, 炮王之王$20

通常玩pot(即係

flyfox · **發表於 :** 2005-09-30 22:53

貝斯卡, 點解會突然想玩金絲貓呀？你係唔係新界仔？你係唔係一放假就攞住個膠袋同介刀較剪通山走？然後裝住成袋樹葉同介返幾條勒做竇，最開心就係介勒個時捉到勒豹。成班友仔被蚊咬到豬頭都咁開心，然後小心亦亦打開两塊葉，偷偷睇下個排眼睛同個摃有幾勁，點知隻"蜘蛛"一跳.....好辛苦至引入個竇，放入塊仔濕棉花再加隻死鸟蠅，拆多两下一插搞掂！好開心呀！但係而家叫哋細路玩啲嘢，唔知佢哋會點呢？

青頭 · **發表於 :** 2005-09-30 23:43

哈哈，令我想起童年往事......
初玩時成班friend都係幫柴灣漁灣村對面個公園仔阿伯買，dream貓係黑白雙殺$20～無錢買
後來成班細路上山捉，比我捉到黑白雙殺!!!!!!!!!!

貝斯卡 · **註冊時間:** 2005-08-11 02:40 **文章:** 93

flyfox 寫:

貝斯卡, 點解會突然想玩金絲貓呀？你係唔係新界仔？你係唔係一放假就攞住個膠袋同介刀較剪通山走？然後裝住成袋樹葉同介返幾條勒做竇，最開心就係介勒個時捉到勒豹。成班友仔被蚊咬到豬頭都咁開心，然後小心亦亦打開两塊葉，偷偷睇下個排眼睛同個摃有幾勁，點知隻"蜘蛛"一跳.....好辛苦至引入個竇，放入塊仔濕棉花再加隻死鸟蠅，拆多两下一插搞掂！好開心呀！但係而家叫哋細路玩啲嘢，唔知佢哋會點呢？

唔係啊, 我住港島的, 這邊好像沒什麼地方有金絲貓, 突然想起有什麼動物可以小地方又可以養到, 一想就想起金絲貓了, 我無試過捉, 只是姐姐帶過回家, 一直很想養一隻, 又找不到有地方賣, 好像是十多年前的事, 不過現在的學生也沒有這些情趣了, 有時間就玩online game, 不知道有什麼好玩(我一次也沒玩過

)

Andy Kong · **發表於 :** 2005-10-01 00:43

[quote="Chacha"]:b 金絲貓排名榜:

金花仔$1, 紅孩兒$2, 雷老虎$3, 方世玉$4, 孫悟空$5, 觀世音$6, 黑白雙殺$9, 王上王$10, 炮王$15, 炮王之王$20

通常玩pot(即係

水草情迷

[分享] 有無人玩過金絲貓呀

誰在線上