水草情迷

話說猩猩考完試後，相約o左某魚友出魚街。出門口前，發現有一隻小蝦蝦突然歸西，百思不解，因為近一個星期蝦缸都冇乜大改變，只係琴晚加過養水，同埋有隻蝦抱住o既B唔見o左。初初以為係佢甩哂卵，有o的唔開心，同埋又見到黑珍珠面，有兩粒白色東東，以為係卵，心諗，都甩o左，算吧。

出到去，向另一個魚友買o左包ADA泥。好重好重，背住一大包泥開開心心返屋企。返到屋企，用一個膠兜將缸內o既生物同草草木木安置好，之後就著手抽水。加好個煲魚網後，開始加泥，但o係加到一半時，眼前突然有幾粒白色近乎透明東西遊過，初初唔為意仲以為係蚤，但睇睇o下，原來係蝦B o黎，唉，都唔知嬲唔嬲自己好。

之前聽網友講，話底濾用砂會吸o左o的蝦B入底，好驚，所以趁未有蝦B前，加o左泥底先，點知弄巧反拙。

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)