水草情迷

綜合水族資訊討論區
留言室 | 相片分享區 | 草圖-我的相簿
現在的時間是 2024-03-29 03:58

所有顯示的時間為 UTC + 8 小時




發表新文章 回覆主題  [ 3 篇文章 ] 
發表人 內容
未閱讀文章發表於 : 2013-10-28 12:45 
離線

註冊時間: 2013-09-06 15:21
文章: 34
我先唔講係邊間舖,因為我到而家都未100%肯定佢講嘅係咪堅,想請各位師兄姐們指教下。

話說我幾個月前,因為本身個Aquaworks缸爛咗,就上網搵邊度近可以買返個,結果搵到店舖X,我打電話去問佢係咪有 Aquaworks 缸賣,佢話有,仲報咗個價我聽,我見同魚街差不多,咁我就貪近,同埋當去望下個新地方啦,如果啲價錢同product ok,以後買嘢近啲都好。

去到我話想買Aquaworks缸,佢就拎俾我睇。但佢拎出嚟個個係「スーパー魚」包裝嘅缸(有舖頭譯做"酷魚"牌)。我指住佢舖頭入面display個個貼住Aquaworks啲大缸,我話我想要呢隻牌子喎。佢答我話「スーパー魚」同 Aquaworks 一樣,只係同廠但唔同Line嘅分別,仲同我講睇返來佢自己個定價發現原來剛才報貴咗一二十蚊。我唔在乎個一二十蚊,你話平成百就話啫,所以我只在乎係咪真係 Aquaworks。然後我揀嘅時候再問多次個缸係咪真係手工同用料質素都同Aquaworks都一樣,佢好firm咁話我知係。咁我見一場嚟到,無謂再出返去魚街,因為屋企啲魚已經住緊水桶,我唔想拖太耐,所以就買咗。其實個缸無穿無爛,用落唔算有大問題,唯一問題係好易花,真係唔用眼鏡布嘅話,用乜抹都會留痕……但係,易花就當我自己手勢差,唔入佢數。問題係,我近幾個月喺魚街繼續見到「スーパー魚」缸還「スーパー魚」缸,Aquaworks 還 Aquaworks,而且越睇越發現質素有分別,直至我近嚟見到嗰間舖頭出 Post 宣傳自己返咗大量 Aquaworks 缸,我就發覺佢從來無 Post 過自己有賣「スーパー魚」缸。我越諗條氣越唔順,忍唔住要上嚟出 Post,問問大家點睇。

如果有師兄姐們話我知「スーパー魚」缸同 Aquaworks 真係一樣,我當然唔會公開係邊間舖,仲要喺度為自己嘅無知出POST認錯 :embs: 。但如果有師兄姐們話個實情唔係咁,擺明係間舖昆我,我會開名插爆佢 :twisted: ,視乎係 PM 想知嘅人定係直情喺度公開佢個舖名啦。

我係新手,我好多嘢唔識,只要間舖頭老實同埋態度OK,我唔介唔意買嘢貴少少,至少問多幾句真係有人教,學到嘢自然養得啲魚蝦健康,玩水族無非都只係想咁啫,如遇到好舖頭我仲會推介俾大家聽。但如果俾我發現係啲呃錢仲要專呃新手嘅舖頭,我一定會講俾大家知,尤其係其他新手,免得大家俾呢啲舖頭繼續當水魚!

謝謝收看!歡迎回覆及指教!


回頂端
 個人資料  
 
未閱讀文章發表於 : 2013-10-28 19:03 
離線

註冊時間: 2012-08-27 19:36
文章: 26
呢兩隻缸我曾亦有看過,亦曾有人同我講,酷魚即是前身的V牌,V牌其實巳執,現在的酷魚即是V牌廠做,而aquaworks則是香港牌子大陸做,兩隻牌子都係大陸做,是否同廠要係行家先知了,現在的缸真係不知所謂,我亦頻中伏,先是黑集團X湖的p牌,到ADA,一樣中伏,我下一個缸一定揾口碑好的玻璃廠訂做好過....https://www.youtube.com/watch?v=GIBE6ILsyQU


回頂端
 個人資料  
 
未閱讀文章發表於 : 2013-10-29 01:49 
離線

註冊時間: 2013-09-06 15:21
文章: 34
多謝師兄回覆。希望繼續有知情人士透露下酷魚和Aquaworls嘅關係。
師兄你個ADA缸真係令人無奈,我想像到你開箱後見到嘅心情......不過,單睇你段片都睇到啲玻璃嘅透晰度真係好正。我之前都想買ADA缸不過成日無貨,間間舖都話訂都唔知幾時有,結果唔係叫我買V買K就係買P買A......感覺次次都係喺堆雜嘜入面碰運氣,好煩,我只想揀個真係有保證嘅缸,但如果連ADA缸都咁,到底邊度可以買到好缸?


回頂端
 個人資料  
 
顯示文章 :  排序  
發表新文章 回覆主題  [ 3 篇文章 ] 

所有顯示的時間為 UTC + 8 小時


誰在線上

正在瀏覽這個版面的使用者:沒有註冊會員


不能 在這個版面發表主題
不能 在這個版面回覆主題
不能 在這個版面編輯您的文章
不能 在這個版面刪除您的文章
不能 在這個版面上傳附加檔案

前往 :  
cron
Powered by phpBB® Forum Software © phpBB Group
正體中文語系由 竹貓星球 維護製作