水草情迷

話說，我中三個時開始上水草情迷(六年前倒喇！真係過左好耐，我個簽名個張兔仔相巳經過左身，呢張應該係我個時岩岩養)，個排應該都幾多人用下，周不時就會有新帖。我整水草缸既知識都係係度學翻黎，好懷念個時每個weekend都去魚街行，用所有零用就去買草，換缸又換缸，個時又唔捨得買co2 set，成日diy，但到最後都係買左。到我唸我中五個時先整左個似樣d野草缸，無奈個時又唔讀書，最後去左外國讀，個時以為外國讀好易，但點知都係要溫到死下死下，最重要就係我個草缸我家人唔識打理，所以我臨走就清左個草缸，用黎養金魚，我年年翻去見到攪到咁都唔係好想攪翻個魚缸，係外國養又貴，我今年忽然之間好想翻去整翻個缸，我個缸係25"缸，我想整水陸缸，唔知水陸缸會唔會唔洗咁密打理？講住咁多先，繼續溫書，附上3張我之前魚缸既相

_________________

Good ar ...

welcome back!

_________________
God doesn't forbid anything .

我睇你簽名隻兔張相都有一段時間了.

六年前都有咁嘅功力,果然係 CHING.

師兄, 我都係幾年無上過黎，直到最近魚缸燈燒左先上返黎諗住買枝二手燈
同你一樣，我都係中學開始玩草缸，情迷係我學左好多野既地方，當時幾個朋友都比我毒到開始接觸水族野，而家仲越玩越大
嗰時我都好慳家，DIY co2, cheap 燈，cheap 缸，cheap 濾筒，仲成班朋友成日一齊出魚街同天光墟
而家人大左，生活忙左，娛樂多左，當年嗰班朋友見少左，自己亦都少左好多當年既熱誠

好勁o既c師兄...中學已經咁好技術!
自從自己住後都無再玩草魚，幾年後再因為想set個10吋魚缸仔玩下再上番情迷...
很多興趣雖然一時遺忘了，很想重新追尋!
期待你的分享...

_________________
10吋x10吋x10吋
前景白沙+後景ADA 泥
Aqua works LED 9W
CO2+電池伐 1秒1泡
淘寶水冷 26.0-27.0度
Eden 501
草種 莫絲、小水榕、黑木蕨及針葉皇冠
魚 米奇x2 粉紅旗x2 火焰變色龍x2 小精靈x1