水草情迷

最先上網、老婆大人警告我小心比人呃（其實有咩好呃！），一次膽粗粗應約出魚街取草（家人笑我，因對方的名號有點似粗口，很過癮！）
網友很大方拿了數十袋草，幾棵幾棵一袋，包得好有心機，仲逐包介紹，五、六位草友，大家只取一兩包、我初種太陽、又set幾個缸、唔客氣，未取了十幾二十包、有的種到而家，好開心！

D草有時種到自已要唔到.....不如送D俾網友la

我用先前以為是母魚的三線仔跟一位草友（未經對方同意，都係唔講名啦！）交換絲葉太陽，
佢拎左可以煲菜湯的份量俾我，
仲送左幾條西洋菜梗咁粗的紅太陽俾我，
好滿意啦！ 未算......

過左兩日，草友ＰＭ我話條魚好正，狀態很好
再過兩日，佢又ＰＭ我話係宏高買左條母魚陪佢
最後，他告訴我在深圳買了一套細缸，
讓那對可愛小三線可以過二人世界！
（草友是養草加燈魚）

送出的東西得到別人的珍惜和欣賞，
我真的真的很開心和滿足！


另外﹕明天約了魚友交換魚ｂｂ，唔知又會點呢？

_________________
水草來，田園去，情迷水族樂趣多。
閒將逸事思量過…
智者眾眾，愚翁是我！
爭甚麼？笑甚麼？

每隔兩日就報到一次，好喎！

我有幾次好開心的經歷，對方的名字唔好講，但係好抵讚！
1)初養橙紅鳳尾，但係有蟲。有個好好人的前輩拎左d特效藥畀我。而且仲好得！
雖然最後對魚都因為無食野死左。(相信係，因為成條魚瘦到得排骨)
但係好高興香港仲有咁好的人。

2)第一次由網友手上拎草，對方所送的草而家仲種緊。
佢仲話d草而家狀態唔係幾好，但係種番落缸就會紅番晒。
果然係正！

3)去觀塘拎草，對方拎左好多鹿角苔畀我，又係而家仲響度"噴"緊氣呀！
佢仲同我分享左DIY濾桶等養魚的事，好開心的一次見面！

借此機會再次多謝幾位大好人呀！

咁盞，大家講多d啦！

第一次係網上同網友買鯛(奧寶),到魚街交收時,佢亦介紹了幾位在網上都幾活躍的魚友我識,穫益不少,果日飲茶佢仲請了全部人,之後都有同這位魚友有icq聯絡,一星期後條奧寶公死o左,佢話佢仲有兩王一后留起o左,送番條公比我,果晚仲請埋我食飯,搞到我幾唔好意思,以家佢仲係我短鯛顧問,係佢身上真係學到唔少o野,係呢度都借個機會同佢講聲Thank you!
P.S.o的奧寶以家生到我要將佢o地放入草缸停一停,無缸 啦:c

友誼至上,交流技術與及彼此分享,提攜新秀,這樣是增進人間溫情之最佳表徵,對上術前輩及無名之慷慨 者至敬 下次再散到bb請記得預一份給我啊!

同各位網友食完飯大家夾份比錢時!

GL,兄你話點就點囉!

我話點就點? 係就好了! 不過如果比小弟選擇, 小弟會選擇"對post的生殺權! 邊個唔順超, 亂講野, 就cut!一定好爽!

GL兄,有邊個得罪你呀!唔係我係馬?無論如何請你有怪莫怪,小弟唔識世界,素抑你的草藝出眾,在此正式向你打個招呼,請多多指教!

放心喇草根兄,gl只係死得鯛多心情唔好

我最.....最........最開心係老人送草俾我o個次.

先o黎個大團圓食飯十幾人好開心(識咗好多人GL,DHL,RAYMOK.....),
跟住上老人屋企,真係大開眼界,大缸細缸唔同種類嘅魚,草...滿目皆是.
老人重俾o左好多好多草我,睇完魚,
一大班人落街食糖水,如冇記錯,o個日好似係raymok請,好豪!!!

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

我又爹多幾句，有次情迷友住長洲要換碧眼娃娃、我拜托住長洲的同事取魚，咁麻煩都做！係，愛魚錫魚天性所然，唔想工作魚淪落茅廁！