[閒聊] 估唔到我會因為我係中國人而感到羞恥！

tommytcc · **發表於 :** 2007-05-26 09:34

waiking 寫:

中國人傳統嘅劣根性....唉.....

不能說是中國人的劣根性，國內坐公車讓座給有需要人仕的情況一般比香港的要好得多，一般會讓座給老人及孕婦。

因為國內的教育水平太參差，所以只能說在一般情況及指讓座給老人及孕婦，至於其他不讓座或爭座位、打尖的情況，就不用多說了。

這樣說來，相對教育水平較高的香港人就真是羞恥。如果要找原因的話只好說香港人生活太急速，人太冷漠。

sam777 · **發表於 :** 2007-05-26 09:49

siu強寫:

sony3420 寫:

keisuke 寫:

香港的中小學教育是垃圾教育來的...
我都很懷疑部份受香港教育生產出來的教師都是垃圾來的...
...

認同呀,我見過有個所謂的中學教師,佢自己幾歲大的仔都任佢胡為,係電梯口亂玩一通,甚麼大肥豬,臭jj亂up一通,佢自己就好少理,仲以為自己個仔好天真,都唔知佢點教中學教中十幾年

老師教學生唔好講粗口,自己私底下都講
老師教學生食煙o既壞處,自己私底下都食
老師教學生唔好賭博,自己私底下賭波賭馬打麻雀

唔知點解有幾多人對現今的教師有負面看法。好多人都想在一個群体中找完全人，呢個其實幾危險。而且一定找不到。你見神父、牧師等差不多道德要求最高的人，結果也是一樣。其實是我們的社會出了問題！一般人的水平和上一代出入好大，道德不是今日全球的趨勢。錢錢錢！！！

當然做教師最好就是唔講粗口、唔食煙、唔賭錢、有愛心、有耐性、有學問、懂得「教」學問、又懂教學生做人。不過，今時今日全球有幾多呢種人？而且要自已做到先教得，香港可能冇幾個及格教師，父母又唔駛教仔。

我認為家庭教育為首，學校是學學問的地方。我地受社會和朋友影響係咪比教師多？父母教仔要做律師、醫師，但又有幾多人教仔學老師？

我本身不是教師，不過我覺得... 香港教師okay啦，反而家庭教育就好少人講。自已唔教老師好難教！教師成為香港教育制度的犧牲品。新一代的學生比上一代難教好多呀！

AMB · **註冊時間:** 2004-11-16 02:15 **文章:** 943

我覺得冇禮貌唔係好關d老師事既... 你冇禮貌, 人地會話你冇家教

家教, 我認為即係家庭教育... 自己個仔女冇禮貌, 父母並唔可以歸疚他人...

仍然係果句... 做好自己, 教好仔女... 人地唔採你係佢冇禮貌, 唔係你做錯...

好似d同事咁... 每日同佢講早晨... 佢總有一日會回應你...

Corex · **發表於 :** 2007-05-26 21:57

1) 一件小事就拉晒成個國家o黎講...
公民教育o既愛國篇都好無效...

2) 做好自己o既本份, 教好自己o既下一代... 咁先係對家對國有所為....

放鬆 d 啦, 香港人.....

Bubbler · **註冊時間:** 2007-04-13 00:04 **文章:** 20

Macbrush 寫:

我在英國住了12年，美國 2 年，澳洲 6 個月，其他法國，南非，荷蘭，日本，星加波，等等等等都住過幾星期至幾個月…… 外國都有賤人好多，賤到你想象唔到既都有，但係通街都見到既 "everyday person"，香港算吧啦 (包括我自已在內)。

Bubbler 寫:

其實大大也不需要因為這等小事就因為我係中國人而感到羞恥！
這種事在每個地方/國家也常常可以看見, 去外地旅行, 再可惡的也見不少, 只要去多些國家, 逗留久一點, 特別像曰本, 讓位更少見, 見到漂亮的大肚婆, 更刻意靠上去.......只要去多了外地, 你就會覺得香港人/中國人並不太失禮
當然...如果700萬香港人或13億中國人都像大大一樣是一個完人(完美的人)就更加好!!!

大大足跡遍天下, 但終也要回香港, 每天要與那700萬讓大大感到羞恥的香港人相處........實在太難為大大........
身為令大大感到羞恥的香港人- 我

有個係香港活得開心的心得送給大大, 就係多點包容.....多點寬恕

francowai · **註冊時間:** 2006-05-13 22:19 **文章:** 44

曾經隻腳打左個幾月石膏,日日渣住2隻假腳坐地鐵,
總站上車,d人見住我咁都要搶位坐,
讓位比我既次數不超過5次

但係我次次見到大肚婆/阿婆都讓,點解香港會變成咁?

AMB · **註冊時間:** 2004-11-16 02:15 **文章:** 943

施主, 只要你肯讓咪得囉... 唔好要求其他人做你做既野先至得架...

m17 · **註冊時間:** 2005-04-16 03:07 **文章:** 100

其實我見到香港人未去到大家講噤差。我本人行路都有Ｄ唔方便，但都有好多人讓座比我。
可能我仔仔見得多，當見到有需要人佢都識得點做。做人父母身教真係好重要，我見過有
父母同仔女一齊搭地鉄，佢可以叫仔女一開門湧入去霸座。你哋話嚟Ｄ父母點可以教到有
公民意識下一代.........。

tomi · **發表於 :** 2007-05-27 14:15

其實呢D都系一D少數的例子, 香港人都會有些有禮貌及教養的人, 剛好大家偶爾遇上個別的事件.

Macbrush · **發表於 :** 2007-05-27 18:06

我就遇到個別事件絕對多過一般人遇到既唔個別事件，可能我唔好彩掛？

Andy Kong · **發表於 :** 2007-05-27 20:58

AMB 寫:

施主, 只要你肯讓咪得囉... 唔好要求其他人做你做既野先至得架...

何出此言呢？你見到佢地坐係度唔讓座但就投訴別人？

相信以上幾位係企係度無位可讓才路見不平罷了！

sam777 · **發表於 :** 2007-05-27 22:44

Andy Kong 寫:

AMB 寫:

施主, 只要你肯讓咪得囉... 唔好要求其他人做你做既野先至得架...

何出此言呢？你見到佢地坐係度唔讓座但就投訴別人？

相信以上幾位係企係度無位可讓才路見不平罷了！

Andy兄，等我估下AMB想寫既內容。
「做好自已本份，每次見到有需要既人就幫忙。如可以讓位給有需要既人就讓啦。但當你冇得讓而又有人有需要，你就唔好以為每個人都好似你有家教有品德。做好自己、唔好要求人地一定要讓，平常心看吧！」

AMB · **註冊時間:** 2004-11-16 02:15 **文章:** 943

知我者莫若sam777也...

如果覺得修身唔夠... 咪齊家囉 (即係教好下一代)... 要治國 (教埋其他人) 係香港係好難架... 除非你好有個人"味"力啦... 哈哈哈...

fung.fung · **註冊時間:** 2006-11-18 00:14 **文章:** 88

唉........香港有禮貌o既人都有.但冇禮貌o既人仲多.
由其是新一代........(都有好既)
事原係有日搭mtr,正正係放學時間,好多學生坐響度.
有個婆婆上車都冇個學生識讓位.睇見都眼火爆.
最後有個做地盤既人讓位.(因d衫褲好多油漆)
真係唔該d人啦.......

我學識唔高都知咩叫禮多人不怪.幫有需要o既人啦.

AMB · **註冊時間:** 2004-11-16 02:15 **文章:** 943

d學生哥都係佢地父母教出黎... 還記得十多年前既某一日, 我同我死鬼老豆去完淺水灣玩, 搭巴士番屋企, 我地兩個都有位坐.... 突然, 我老豆企左起身, 我仲以為要落車添... 點知佢完來讓左個坐位出黎... 呢件事對於今日既我仲仍然記憶尤新... 所以話, 父母既身體力行, 比起成日起d年青人耳邊講百九幾次要"禮讓"更為重要...
忽發奇想, 不如就由我地魚網各位會員大大, 起魚街做起... 修身齊家... 令香港既年青人知道咩叫"禮讓"... 而唔好剩係係度話d小朋友大朋友冇禮貌啦...

水草情迷

[閒聊] 估唔到我會因為我係中國人而感到羞恥！

誰在線上