水草情迷

我去泊x水族買瀘水及水冷(電子)用左一晚發覺水冷唔係太理想,27c 左右,第日問佢都換,想換壓縮機式,佢叫我下日去換,不過後來想想太冷會有倒汗水,27c 算拉. 用多半個月諗往响買賣區半賣半送出左佢再幫襯泊x.

換野果陣, 間店都好應該check下, 如果check過ok冇點用過, 換俾個客都好合理.
當然如果落哂水濕哂咁, 又or拆開過, 明顯用過, 咁當然唔應該換了.
間店拎果份換左既貨來再賣俾其他人, 都冇問題既, 咁間店之前check過ga ma, 只係俾前一個人用過一兩次, 同新的冇分別, 就當係試機囉 ~~~ 我覺得冇所謂囉.
再者, 再買果個人應該唔會咁神通廣大知道份貨之前俾人買過再換. 點會知 ?
大家係香港生活咁耐, 都習慣了"貨物出門, 恕不退換", 其實呢8個字係好冇道理兼唔負責任, 你開門賣得野俾客人, 當然要保證客人買得滿意, 貨物有質素. 只係係店內咁少時間的查驗, 出左門口就話唔關佢事, 點會合理 !!!??? 如果返到屋企先發現貨品有問題, 又因為"貨物出門, 恕不退換"而冇得換, 更加唔好話退錢了, 當然唔合理 !!!
我以前係英國生活, 佢地開鋪賣野的手法同香港的好唔同. 佢地賣咩俾你, 都可以任你退換, 只要你唔鍾意, 只要你覺得唔岩心水, 即使貨物使用過, 即使貨物冇問題, 都可以換其他野俾你, 退錢都得.
我都曾經買過好多野, 因為返到屋企發現唔係太鍾意, 都拎過去退錢.
我就曾經買過一張大約價值HK$1,000的相機memory card, 去完旅行, 使用完, 約一個月後回來都有得全數退錢. 連咁貴的使用過的都可以退錢, 其他的就唔駛講了 (呢個情況, 因為用得耐了, 我唔agree佢賣俾其他人).
其實如果買果個冇心買, 都唔會手多多俾錢買野啦, 其實買果個人都係想買先買, 所以, 應該唔會有咁多人要退換野ga喇. 有得退換, 買的人一定會多好多, 唔怕冇得換呀ma. 所以我覺得呢個賣野的手法好成功.
另外香港, 就係因為"貨物出門, 恕不退換", 令到一d有心買又怕買錯的人唔敢俾錢買, 因為冇得換, 所以往往咁做少好多客 !!!

我以前都係英國住左十幾年， 第一英國是有法例， 所以無得佢唔換。 第二， 我以前都有朋友買野回來用左幾個禮拜才那回去換， 英國好多人都係咁 ， 結果就係零售成本上漲， 大家齊齊買貴野。

香港賣野平，買野既人好多時好似驗屍咁驗， 唔係話咁就唔應該有售後服務， 但係要完全好似英國咁 buyer's remorse 就無可能了。

站在做生意,顧客既立場,當當然唔想換野/買舊野啦
我明白,亦都非常同意

至於可以換錢/貨,站在顧客既立場,亦都想買/換到件岩心水既貨品
但香港既market始終唔同,以前香港係英國時期,都冇立呢條法例,可能係唔適合香港人用呢

依家魚友越黎越精明，買野好多時都貨比三家，邊間平先幫襯，由其係硬件野
間舖service得唔好個客唔返轉頭，但service得好亦唔代表個客次次買野都會返黎幫襯。要好生意最大因素都係要夠平，但賣得平利錢自然低，service亦會跟住差，冇辦法....

其實講返買氣泵
我買就必定試
試下個磨打郁唔郁就OK
去卡X買佢地必定主動插埋喉落水試有冇泡出(勁呀....)...
不過我係另一間, 親眼見過有個男人買個氣泵
個男人要求試
間舖話冇得試
個男人話只係要求插一插電
睇下個氣泵個磨打有冇郁
間舖話唔得....
我心唸..唔係下麻...插一插電有幾難...我唔信你間舖冇電制丫
有時..我覺應有的最基本對客的購物保障都沒有~~

_________________

插下電都唔肯我就一定走頭， 咁既態度壞左都唔慌會理你。

唉.........做老闆既絕大部份都冇咁不智既, 係有時睇唔到咁多.....D伙記有時真係話知你死, 你阻住佢吞pop就勢係假。

好似濱X咁, 11:30am開舖, 1:30pm都未返齊人.........請著呢亭倒米壽星, D老細唯有怨自己。

因素太多，自己執生

_________________
姓草名民，尚草下民，號刁民，因體胖，又名大肥。

以某幾間黑店既營商手法
就可以知道 "魚街唔係做熟客生意啦"
如果佢地想有熟客就唔會咁啦.........
淺見

其實, 我覺得, 換比佢有咩所謂呢?
不過, 我相信信個泵一定係死貨,
有人肯買, 佢仲吾笑到入心咩!
仲肯比你換就怪!