水草情迷

雖然造景版已經沒有之前那樣熱鬧......
雖然造景人數不段下跌......
雖然榮山二字沒有像之前那麼多人認識......

但我仍然想在水草情迷，分享我這個2007年最後的一個景 -- 寒木春華 <<寒木不凋、春花吐豔>>

沒有任何名貴的草種.........
沒有以前的壓迫感.........
沒有以前的繁華熱鬧.........
沒有在任何比賽中得獎.......

只有一種安逸平靜的氣氛，希望大家可以用心去感受一下!









前言
每年去定一個主題，去翻新我個四呎缸，對我來講都係一個大project，我會花好多時間去作事前準備同埋研究整個流程是否適當。正所謂"一子錯，滿盤皆落索"，每當選用一種新的材料去造景，當中一定會遇到不少問題，如果及早有些規劃會比較心安一些。今年我選用木柱作為今次的造景主題，除左可以給人一陣新鮮感之外，亦可為沉悶的木景帶來另一番沖擊。這個都是每一
位造景人經常想做到的 -- 特破規限。


設備
尺寸:120CM X60CM X50CM
CO2: 每秒四粒泡
照明: ADA SolarI 150W x2
底床: ADA Aqua Soil Amazonia
過濾:
1.) Hydor Prime 30 External Filter X 2
2.) Ehem 2028
水溫:大約攝氏26度
PH : 大約 PH6.5-6.8
換水: 每星期三分一

水草種類:
1. 矮珍珠
2. 三角莫絲
3. 日本蕡藻
4. 珊瑚莫絲
5. 牛毛顫
6. 小圓葉
7. 小竹葉
8. 綠羽毛草
9. 泰國水劍

生物:
1. 小精靈
2. 紅蓮燈
3. 黑殼蝦

_________________

"一起推動水族設景潮流, 集思廣益, 雅俗共賞。"

雖然現在環境唔許可我造景，少左份熱情
但仍然不時留意香港草壇大師有乜新作~
榮山 仍然係我偶像!

大師兄點會無人識呀~~
大師兄們一出手自自然然會有好多post嫁喇~

我諗近新年應該會有多d魚友出post嫁喇,我都係o岩o岩set完未有o野睇~
期待出全景~~

雖然造景版已經沒有之前那樣熱鬧......
我依然每日上去望o下~

雖然造景人數不段下跌......
我依然每日默默耕耘~

雖然榮山二字沒有像之前那麼多人認識......
你依然係我心目中的大師.

大師,
d木樁好形,唔知有幾多支呢...我睇都係都應該係單數啦.

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

榮山點會無人識呀...
全世界咁多個國家參加過或者留意水族造景比賽既同好...都知道"waynesham"係高手啦...

回正題:
今作用上木樁...真的很特別...
可以留意一下"阿馬信"河床...我覺得如果水色再偏紅...便會有一種河底feel...
塊木的穩固方法是個較有興趣的地方...
期待全景...

師兄說得對, 草缸真的比以前小咗人玩, 但奇怪草店好似越開越多?!
草價越來越平 --- $10蚊已經好多選擇.
CO2 set都越來越平 --- $800全包!
ATMAN $1xx 至到EHEIM 最平只需$5xx蚊!
燈具越來越平 --- $4xx~$6xx買到T5HO!
魚缸最低$7x, 貴至ADA缸比以前容易到手.
ADA-II泥比以前平!
理論上養草已經可以好"平民", 但事實草民增長並沒有大增長!
小弟覺得某程度是魚街的sales服務態度和專業程度都大不如前.
Anyway,
"榮山"的景就是真正的草景, 不是一般草民東一舊石, 西一塊草就叫做"造景"!

造景始終有您

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

感謝各師兄弟對我和水族造景的不離不棄!!
我希望08 年可以見到更多更新的香港製造，並且重振情迷造景風氣!!!
香港造景技術可以話，已經得到世界多個比賽的肯定!
不過我的睇法，中間出現了一個大段層，即係論壇內，只有一班有六、七年經驗的舊人和
初初踏入水草造景的新人.......中間這班有兩至四經驗的玩家，可能轉投其他玩意，
可能中途放棄了，可能變成CDROM，可能周遭環境所致被迫停止..........
導致新手又看不明舊人的文章，舊人又唔想重覆又重覆回答一些已有答案的問題!!
可惜、可惜!!

奸仔: 多謝你的支持!! 我們靜待你的返回!!

summer_s: 但願其他人都可以繼續出post!!

老通: 冇錯!! 5 係一個單數!!
我估有好多人同老通你一樣，每日都係上去望o下~ 大家依然每日默默耕耘~ 咁做CD ROM........


k仔: 好多人都好關注，木樁的穩固方法.........我未講之前，你又覺得可以點做呢?

am1698: 或許現在同數年前比，水族可以有更多選擇，如鯛、七彩、CRS、金魚、琶等等，所以無論養水草或水草造景人數都不段減少。而且水草造景係一個需要投放大量時間和心機的項目，如果時間不許可，很自然會選擇放棄! 我敢相信，由我第一天進入情迷的水草網友，不出10 個仍然是以水草為主的

大猩猩王: 有我做咩呀!!

_________________

"一起推動水族設景潮流, 集思廣益, 雅俗共賞。"

好正既景。。。同埋旧木真系好正。。。。
请问系吾系沉木o黎架？定系普通木啊？？
同埋有无全景啊？
吾该晒。。。

雖然我唔識做景
但我很喜歡看
特別是榮山大師
每個景都好有新意
偶像

榮山偶像,打從我種水草開始,第一个認識o既大師就係榮山大大你!
其實種水草o既人無少到(至少我重有種),至不過去到造景甚至參赛o既人就少D,有時見到大師作品真係吾敢出post o架,不過我會繼續出post支持種草一族,希望大大能繼續為港爭光!

雖然造景版已經沒有之前那樣熱鬧......
的確如此, 情迷, 田園一樣吧
雖然造景人數不段下跌......
認同, 青黃不接
雖然榮山二字沒有像之前那麼多人認識......
絕對不是了!!

很久沒有在情迷留言了.....!! 但看到wayne的感慨, 不得不發表支持!! Wayne, 你對今日做景界的貢獻, 又豈是三言兩語可以形容呢!! 回想在情迷認識你, 今天仍然跟你一起走著做景的路..., 榮山仍然是榮山, 只是你的技術已經更進一步了!! 看, 仍然很多草友網友認識你, 支持你!! 大家繼續努力啊!! 情迷的種草做景朋友也一起努力啊!! We will never walk alone!!

做乜咁感慨呀，不如意事十常八九，唔好比太大壓力自己。
如果問我點整到D木唔浮，我諗到既方法係將D木綁係百格到再舖泥。
話時話，你地班大佬，貼親圖都斬件，隔兩日先貼全景，跟住拜拜，想傾多兩句都唔得，攪到造景版已經沒有之前那樣熱鬧.....，造景人數不段下跌......
想睇下係咪榮山二字沒有像之前那麼多人認識...... ，搵日開放榮山工房，一人收翻廿蚊入場費，睇下有冇肥年過咪知囉 。

順便同akina傾兩句：以為田園班大佬唔記得晒情迷個password，又唔好意思問super查翻，所以冇上黎 ，其實依家兩個網都叫做穩定落黎，希望大家都唔好咁拘謹。

等我故下先...
舊木係未有塊木的底板釘住佢架???

optimus prime: 謝謝你的回覆!! 這幾樁木不是一般放入魚缸造景的沉木，它是用於裝飾佈置的木柱，如你有留意各大商場的佈置，你可以發現這種木大多是用來扮作籬笆之用! 但要運用新的物料在水中設景，當中要克服木的浮性、木在水中的腐爛程度和對水的影嚮。所以前期工作，我花了一整個月試水、退色、測試同埋防藻才正式使用!

hangon: 多謝你的留意，希望有一日你加入埋我地個行列啦!

香港仔: 我都話我唔係咩野大屍、大絲、大C呀! 我只係造景經驗比你多少少

_________________

"一起推動水族設景潮流, 集思廣益, 雅俗共賞。"