水草情迷

各位高手救下小弟呀~
我個缸前日開始發現d紅扯琪個腮好紅(都心知不妙架la),但無時間理佢地,直至尋晚開始有一半以上o既紅扯琪死左,中有一兩條波子死埋,
咁尋晚漏夜換左1/3水,今朝又收左兩三條魚屍,唉~
d魚魚去後個身有d好似蛋白o既野"痴"住o係個身周圍,但個腮又唔似有d野"痴"住,淨係得個紅字~
而家成個缸中有5-6條魚到la,我想問下各位我可以點救d魚魚呀(不過可能我返到去佢地已經......)?同埋佢地似係中左咩病呀?

我都發生相同災難,真係好似瘟疫咁!
的魚係咁死,尤其是藍眼魚將,新燈同飛狐,差不多死晒.d魚發呆,退色,難肉,跟住好快就歸西,又制止唔倒. 唔知點算.
但睇落又似水有問題,因為草生得不錯,蝦亦沒死.
真係要請各位高人救命!!!

我都係呀
係唔係依波拉呢
各路英雄請幫幫手
救救我地D魚

一定要成缸水換晒
如果唔係就將啲水草拎起再用殺菌水過濾一至兩日.因為水草同蝦唔可以接觸殺菌水.呢種環境同依波拉差唔多

唉~可能係d非典型肺炎入左個缸到掛
不明不白死左咁多魚,條氣唔順
我決定過幾日得閒d就反缸,換過哂d泥,
用ada黑泥,買返個濾桶,重新黎過~哼~

不過話時話,唔知點解兩條飛狐d,三條小精靈,到今朝都仲安然無榚,
鬼死咁生猛,真係唔明

好似蛋白？似係細菌感染引至流潺，魚身顏色有否變深？.......

如有養水草，要分缸醫，一係就做選擇題:草定魚。
此類病可試調高水溫至三十度，加重鹽或爛肉丸，但如有草，一定死。

你有無 check 過CO2過多呀！

魚身顏色有否變深？....... !?!?
死前就有o既,我以為d魚養耐左出色炸

原來果d一pet pet野叫流潺呀,好"核特",嘔~

一知道出事,d水溫我已經即刻加去30-31度架la,我就係唔敢o係個草缸到落任何葯呀(連鹽都唔敢落),我先決定反缸炸,希望下次唔好再有同樣事發生la, D 魚魚死得好慘~~~

威: 你有無 check 過CO2過多呀！

我無test過co2幾多呀~但d魚一養左三至四星期都無試過浮面,
同d草都有泡泡出(仲勁多),咁即係溶氧度都ok la(我諗 !!) 直到前晚先出事!
我個係18"x12"x12"缸,co2每秒1個泡泡有50%-60%地方有草
有一次出絲藻,比我K.O.左,但今次比D病菌K.O.返轉頭~

我連續換左3晚水,每次換1/3, d魚死既數量開始減慢左. 希望唔好再死啦!
請問是否要繼續不斷換水?