水草情迷

我本來養左4條新燈,但其中兩條落左缸唔夠幾日就甩左色,即係紅色部分淡左,其中一條唔夠幾日就死左
呢家又多左條開始甩色,即係3條新燈兩條甩色

究竟係d咩出左問題?水質定係糧?或者係其他?

另外,各位係用咩水養魚?我係用煲過既水喉水,呢d水岩唔岩養魚?
一個310mm x 180mm x 240mm既缸,可以養到幾多條魚?
我唔識計個缸有幾多L

多謝各位既幫忙

點解用煲過既水喉水黎養魚? 煲過既水喉水含氧量會少d...
你個缸約21L水, 睇下咩size既魚喇, 如果細條個d新燈都可以keep到十條度喇...
你都係用返水喉水再養水喇...
點養水可以search下舊文...

用煲過既水喉水,呢d水岩唔岩養魚? 唔岩, low oxygen amount

_________________
就係鯛ｂｂ，佢令你笑，又令你煩
我明知故犯，中意作反，唔講道理，唔洗比面你
你可以嬲我，話我，哄我
總之要將你既注意力比曬我
因為我有好多好多需要，去成長，去長大

多謝幫忙

但係我驚d氯氣對d魚有影響
如果用太陽曬會唔會好d?
曬下可以除去d氯氣

我個缸仲有d水草,我諗住可以利用佢地既光合作用整番d氧

咁d魚甩色就係因為d水煲過?

仲有,我個缸d水既溫度日夜都係29度,會唔會熱死d魚架?
我已經加左把風扇仔
又唔知有咩方法可以降溫?唔好咁貴,唔好用咁多電,d儀器唔好咁大件
你地講果d致冷片好似好貴咁

多謝各位
其中一條已經有番色
但係甩色甩左好耐果條都仲係冇乜色
佢螢光既部分唔夠其餘果兩條深色
又唔知咩事,想救佢都救唔到

_________________
識少少扮代表既新手一個:a

之前聽d朋友講,話d魚驚會甩色
今日發現冇甩色果條新燈成日追住果條甩色新燈同之前甩色果條
佢係時不時游去佢地度嚇佢地
比佢嚇果d都會即刻彈到好遠

咁,呢個會唔會係佢地甩色既原因呢?

_________________
識少少扮代表既新手一個:a