水草情迷

小弟想養將軍, 睇過之前d post, 有以下結論:
1. 清缸養已經ok, 唔需要泥,草,濾水
2. 大約兩至三日換一次水, 整缸換, 用養0左一晚既水喉水就ok
3. 一日一至兩餐, 活/乾糧都得
4. 放冷氣房都冇問題

如以上有錯, 煩請各大大提點改正, thx!

想問以下問題:
1. 餵食方面, 我想餵乾糧, 有冇專用既糧? 或者我應該餵咩糧?我驚佢唔肯食!!
2. 燈光方面有冇特別要求? 我長期冇燈光比佢得唔得?

唔該幫幫手, thx!!

你既結論:
1.清缸養ok
2.唔好整缸換~換一半或3份1~最好用養水~
3.差唔多啦~
4.冇問題~不過小心溫差

你既問題
1.可以餵乾蟲~鬥魚不挑食!
2.其實冇咁既需要,不過日夜都要有分明~唔好長期唔見光

睇我條鬥鬥簽名啦~!

唔該晒!! 上網又睇0左d, 再問一下:
1. "水溫最好28度", 咁放冷氣房好似唔係好得喎....
2. "可以用普通金魚糧餵食", 是否正確? 定係可以用普通熱帶魚糧? 因為我想方便為主.

thx !!

你簽名個條好靚呀!! 我早兩日係fs都見到有條差唔多既, 就係咁中0左毒...依家搵齊資料過幾日就出去買喇, 不過唔知佢比人買0左未lu.....不過仲有幾條係藍色既, 不過我都係覺得全紅色正d!!!

放冷氣房都冇問題???????????

唔凍得!!

_________________

普通pk鬥魚係非常之粗生,咩野都食,對水質冇要求,換唔換水我覺得都對佢冇影響(除左真係好多屎係底) 只要唔凍過15度,佢係唔會死既~~*以上講既只適用於入門級pk鬥魚*~~
我自己養緊3條,都養左大半年,2,3個月唔換水,3,4日先餵一次,佢地都仲好健康,日日都display!!!!

咁就死啦, 我唔識分係唔係入門級喎....
我係魚街癲起上黎$5一條都見過, 袋裝就通常廿幾, 玻璃缸既$40幾, 將軍就近一百....咁近一百既未唔算入門級?
我想買個條係近一百既將軍...可否apply到你講個d theory?

其實呢d野都係成正比既.......
你養$5 1條既鬥魚.....好似我咁養就冇咩問題~
如果你養d貴d既......比著你都唔想佢有咩事,所以飼養環境相對地應該要好d~
想要深入d就多d睇下有關鬥魚既網頁,你去yahoo或者呢度一搵就大把有關既文章~

我recommend你盡量唔好買袋裝魚

Thanks!!

我都唔會買袋魚, 因為條條都好似就死咁....

多謝各大大幫忙!!

咁你咪先玩下$5個o的先, 慢慢再 upgrade, 到時咪送o的$5魚比人 lo