水草情迷

我前日買左4條小精靈，琴日死左一條，到今朝先發覺，撈佢出缸時，發覺佢已經有小部分屍體唔見左，好似腐化左咁。請問點解呢？d水有問題(開缸一星期)？
仲有，有條魚仔有口棉，關唔關條小精靈腐化事？同埋使唔使換過晒d水？口棉會唔會傳染ga？
仲仲有(問題少年=.=")，清道夫(黑色差苔)係唔係都有神經質ga=.=？我果日買左4條(3金1黑)，放入缸第二手就唔見左條黑色，屍都唔見 ，但唔多覺佢跳左出黎，如果佢係缸入面，但無撈出黎，會唔會好似小精靈咁腐化ga？又會唔會影響個缸ga？
最後一問...........缸入面d便便點處理ga=.=?????睇返d old post話硝酸菌可以處理，但新缸無足夠硝酸菌，咁點搞=.=？

咁情況, 屍體搵唔到, 應該可以搵番d骨
比其他魚食左囉
處理魚糞, 最好適當地換水啦

死魚好快有魚食架咋, 就算冇魚食, 佢都會腐化, 不過時間可能長d, 比魚食就好快得返d骨...
個d便便有d會入左過濾器度, 你定期沖沖佢喇(點定期點沖你潛下水先喇), 係泥面既你換水時再用泵係泥面吸下喇...

咁d 魚腐化會唔會影響到個缸入面d水ga？
因為有條魚仔咁岩有口棉病/_\

你個缸有幾大呀? 咩魚死左先? 咁大缸水死一條魚對水既影響唔大, 有人開新缸就會放死魚去養菌添...
sorry我唔係好知口棉病係點, 係咪爛口? 一係隔離佢先....不過我既做法係如果見到死魚, 一般我都會即刻撈佢出黎, 你見佢死左, 即使你唔係屋企,(斷估你唔會成日都睇唔到個缸掛), 咁你返到去先撈都應該死左幾個鐘至十零個鐘...個人覺得問題唔大