水草情迷

本人新手一名，1月2日買魚缸開始養水，8號落魚(8孔雀，4飛湖)、蝦(大約20)和草，因為死左3條孔雀，所以14號加左4條細燈和4條光管，但係到而家19號已經死左5條孔雀啦，其他蝦開頭有死幾隻之後冇死過，仲越來越大隻，我想問孔雀係咪好易死？因為我淨返個3條孔雀，其中有條個身冇左d斑，好似退色咁，仲成日玩由缸底一支箭咁沖上水面，其他個兩條見佢咁做有時會跟住佢玩。佢係咪有病呀？想玩自殺？
麻煩各位幫手解決小人問題。謝謝！
p.s. 魚缸16寸闊(長), 11寸高, 9寸深 , 24litres，對水最少12個鐘。

孔雀小弟唔係專科，不過正所謂一理通百理明，咪搭吓嘴，
1:缸有冇落泥？水草缸有泥一般都係微酸水質，但孔雀適合在中性至微鹼值水生長，用石
底及加 d麥飯石有幫助，
2：硝化糸统未建立d魚咪易死，約開缸後一月先加多d魚
3：平價孔雀有d根本養唔長，尤其是袋魚
4：幾佰蚊對魚小弟都係對水少於兩小時，12小時好似太耐啦
有錯請各大大指正

_________________
閒來養魚種草樂；悠哉生活過一天

我都覺得係硝化系統未 ok ，只養了水一個星期，而一次加太多魚了，我建議你暫時不要再買魚了，再過多兩三個星期後，等魚缸情況穩定後才慢慢加魚，因為你的魚缸不算大，加魚也不要太快太多，每次最多加兩三條，如果一兩個星期後都冇再死魚才再加吧，另外因為你沒有其他資料，如 ph 值、濾水器、換水情況等等，各位高手們很難給你建議。

要知你個缸o既切備喎~

_________________
蝦蝦相簿
食獸柴房

可能魚太多,或者魚買返黎前已經帶病
係唔係同一間魚店買???
溫度幾多,有冇暖管??
對水12小時太耐啦,又不是貴價魚
我就每15分鐘加1/4水,對1小時就放魚

我d孔雀係袋裝個隻，可能真係差d啦，其他魚全部唔係袋裝，可能健康d。
我個缸係套缸126，有濾水和燈。
對水：超新手因為之前見d文章話對得耐d好d ma.........所以對成12個鐘
換水一星期一次換1/4水，缸既溫度係22-24度。
煩請各位高手再指點

會唔會係一次過太多野...

"8號落魚(8孔雀，4飛湖)、蝦(大約20)和草"