水草情迷

由六月開始養魚至今，魚魚已死了無數咁多條……但諗極都唔係咁明點解……
明明魚缸的水看上去很清，亦有足夠的氣泵和掛瀘系統
種了一棵小小的草
用了很便宜的珊瑚沙
魚放了下去後，總會很健康的樣子，大約維持兩三天……問題便開始出現
看到魚魚的魚鰭摺起、沒精打彩……最後相繼死亡……

各位高人，是不是水質出現問題？有甚麼方法可以解決？

d魚落缸之前你做乜d咩準備動作？
對溫？對水？

對溫、對水都有做到ga。

再講下, 幾大個缸, 用咩過濾.
有幾多魚, 係咩魚. ? 點買法既
點解會用珊瑚沙 ? 未必隻隻魚都受既..

_________________
多多交流, 多多研究, 多多搜尋
我的水族相簿

係係！
缸：12*9*7(吋)
過瀘：300L/Hr
魚：之前係孔雀(最多共五條)，現在係米奇(最多共8條)
買法：魚街的袋狀魚，至屋企附近的魚缸魚都有
珊瑚沙：聽講用來養孔雀會好d 所以先買ga~

由於資料有限，很難評估魚死的原因，試試提供以下答案：

一） 幾耐換一次水？每次換幾多？
二） 掛濾內用什麽濾材？白棉？生化棉？生物環？
三） 餵什麼飼料？
四） 魚臨死前有什麽症狀？呼吸困難？魚鱗受損？眼變白濁？食慾不振？
五） 有否用試劑測試一下水的「酸鹼值（ｐＨ）」和「硬度（ＫＨ）」？

當魚落缸時狀態ＯＫ，但過了兩三日後就開始「摺鰭」兼「沈底」，十居其九都是因為未能適應水質。雖說孔雀魚是屬於弱鹼性的，但以您的情况來看，個人推斷好有可能是劣質珊瑚沙累事，導致水質過鹼的關係，建議先用試劑檢測一下，才再作推論。

一） 一星期換水一次，大約四分一水
二） 掛濾內用白棉、生化棉、生物環，白棉約一個月換一次。
三） 飼料：孔雀專用飼料及紅蟲
四） 魚臨死的症狀：呼吸困難(沒有)。魚鱗受損(沒有)。眼變白濁(部分有)。食慾不振(部分有)。只見魚魚游得較慢，躲在魚缸底。
五） 沒有

可能d珊瑚砂有問題,個缸得12吋,換砂都唔會好煩,好少錢姐;可以用吓黑鋼砂/純色的水草砂/細粒火山砂....等!!這些砂都係對水中的ph影響不大,可以話係中性砂,如果想ph高少少,濾材用清洗好的[麥飯石]同樣有效!!
掛濾的空間養菌比較少,白棉唔洗個個月換新,但一定要每次都用魚缸水清洗,咁養d消化菌先唔會死亡!!
另~d紅蟲係[新鮮]定[冰鮮],會唔會有菌,會唔會每次都有食不完,d蟲令水質腐敗,引起問題!!

_________________
一切從心便是美...便是自己[email protected]

同意amen兄弟上述分析...建議用黑鋼砂...10元一包...買2包就夠了...

_________________
凡事包容，凡事相信，凡事盼望，凡事忍耐；愛是永不止息。 ------ 哥林多前書13:7-8

會唔會d雀孔因為有壓逼感呀?

I guess is 消化菌 not yet ready.
buy a tester to test No2 and NH3/4 la.
Both =0 or very low sin add fish

雖然沒有提供水的酸鹼值（ｐＨ）和硬度（ＫＨ）以作參考，但從魚的症狀和出問題的速度來看，有八成機會是水太鹼，遠超過魚所能承受的酸鹼值而導致。

魚落缸後一陣子就出現摺鰭、眼變白濁、沈底無神等症狀時，最普遍的可能性有兩個：一）水温突變；二）酸鹼度不適。以現時的天氣來講，加上您又有做足對温對水的功夫，而且魚缸的日常管理都屬正常，症狀上亦不似細菌感染，如果並非魚在買時本身就存在問題，那麼酸鹼度不適的可能性就最大。

個人相信最大的元兇應該是您現在正使用的珊瑚沙。

先要明白簡單的一點：當水的硬度愈高，水就變得愈鹼。珊瑚沙本身的特性是會提升水的硬度，直接令水質偏向鹼性，理論上用來養弱鹼性的魚是可以的，但問題就出於會令水變得有幾硬。劣質的珊瑚沙由於往往會令水一下子變得非常硬，而令水偏向過鹼；鹹水缸還可以，但淡水缸養弱鹼性的魚如孔雀等就會很容易超標。而且您的魚缸只有約１２Ｌ水，緩衝區相對地比較細，在使用的份量上會更難控制，落多少少都可以令水過鹼。要知道水的硬度是會和珊瑚沙所落的份量成正比的，落得愈多，水就愈硬；所以除非缸大水多，否則絕不建議在細的淡水缸內使用珊瑚沙。

如果養好似如孔雀等弱鹼性的魚，建議採取以下做法：
一） 即時抽起所有珊瑚沙，暫時清缸無沙的都可以，再換三份一水
二） 改用會令水質酸鹼值偏中性的「矽砂」或「大磯砂」
三） 在掛濾內擺放濾材的地方，加入少量的「珊瑚骨」令水質達致弱鹼程度

用珊瑚骨的好處是比較安全和可靠，因為可以因應情況而逐點逐點添加，來達致心目中弱鹼的程度，並不會出現一下子過鹼的情況，而且珊瑚骨本身會自行調節釋放量；當水偏向中性或微酸時會自動溶化，提升硬度以達致弱鹼，而當達致弱鹼時亦會自動停止溶化。再者家中最好長備一支ｐＨ試劑，用以時常測試水的酸鹼值是否維持在魚的適應範圍內，以孔雀魚來計，一發覺ｐＨ值超過８時就要抽起珊瑚骨兼換三份一水。最後，平時還要多加留意所買的魚是屬於哪個酸鹼值（個人並不清楚「米奇」是什麼魚或是否屬於弱鹼的，如果是弱酸性的話此方法就不可行）。

另外，若想用黑鋼沙的話也可以，但由於沙本身屬於微酸，所以養孔雀魚的話，在使用時最好再多加少少珊瑚骨，而且也要常常留意水的ｐＨ值和珊瑚骨的消耗情況，因應需要而作出補充。

希望幫到您。

試貼一圖...可以作一下參攷...這是9"缸...用黑鋼砂養的孔雀...養了七個多月...一直沒有病過...

_________________
凡事包容，凡事相信，凡事盼望，凡事忍耐；愛是永不止息。 ------ 哥林多前書13:7-8

多謝各位大人的指點。
今日我又見到條魚摺埋d鰭，沉係魚缸底，但一到餵食時，就醒神晒咁。
可能真係d水太鹼……
我諗要清缸養魚先得啦……

白棉唔洗個個月換新,但一定要每次都用魚缸水清洗,咁養d消化菌先唔會死亡!!

呢到唔係好明~可唔可以再解釋一下...>_<