[問題] 沙是否真的咁毒?

南俠 · **註冊時間:** 2005-06-20 10:13 **文章:** 64

上星期去買了個新的魚缸是AA的, 連濾水及燈及氣泵一套過, 幾百元, 都算幾方便, 當日仲買左一袋淡水沙及水草, 店主說沙要好似洗米咁洗幾次先好放落缸, 於是返屋企洗好米, 落缸, 加半缸水, 落水草, 再加滿水, 加除氯劑, 加濾水及氣泵, 先行24小時.

第二日再去買了5條老鼠, 4條孔雀及120條紅蓮燈.

第三日死了10幾條紅蓮燈, 我以為是不適應新缸新水, 只好把死魚拿走.

第四至六日, 每日都有紅蓮燈死, 最後只餘6條, 照計咁多日D水及缸都已經定了, 其他的孔雀及老鼠就沒事.

第六再去金魚街, 走入另一家魚檔, 想買多D孔雀, 因為孔雀未死過, 順便問下個店員, 點解我D燈會死得咁利害, 個店問我缸底放什麼, 我說因為想種水草, 所以放了二吋沙. 佢話D沙會令D水變鹼, 所以可以養的魚的品種不多, 大部份魚受唔到都會死. 我問是否應該打沙拿走, 但我又想種水草點算? 佢都叫我買了一袋日本泥, 啡色, 圓形, 長闊好似粒米的一半多D, $180.

於是返屋企把魚放入大碗, 倒沙, 洗缸, 放泥, 落水, 種草, 加除氯劑, 開濾水.

第七日, 放魚入缸. 再加店員提議買的菌, 同除氯劑同一個牌子, 話D菌會分解水中的雜質.

第八日, 只死了一條紅蓮燈, 不過個條魚放返入缸時已經呆呆地, 走曬色.

第九日, 沒魚死, 而D草就真係生長得好靚.

第十日, 即昨天去買了4條小花鼠, 6條孔雀, 100 條紅蓮燈.

第十一日, 今早就死了四條燈.

想請問, 個D沙是否真的咁毒? 我現在的安排有沒有問題, 請各位前輩指正.

南俠

龍炎舞 · **發表於 :** 2005-06-20 12:05

其他唔知~不過覺得你加魚太多太密~

肥肥魚 · **發表於 :** 2005-06-20 12:12

紅蓮燈鍾意偏酸、孔雀鍾意偏鹼,沙會令水偏鹼,適合鹼性魚,如孔雀、三湖鯛等
你包泥應該係ADA,種水草或酸性魚最好
你新缸一次加咁多魚,有排死

hoiyat · **發表於 :** 2005-06-20 12:42

太心急了,養魚無速成班的

草人 · **註冊時間:** 2003-03-28 09:43 **文章:** 4235

毒既唔似係沙, 似係你太心急所造成的吧.

mftin · **發表於 :** 2005-06-20 13:01

人地專家高手都要成個月先 set 好靚缸靚水，你係新人想叻過專家，冇乜可能掛，重要加咁多魚，真係有排死呀，俾的耐性啦....兄弟。

南俠 · **註冊時間:** 2005-06-20 10:13 **文章:** 64

我冇打算叻過D專家, 亦冇當過自己係專家, 否則就唔會上來問, 上來學, 不過大家的答案及態度真的令我有D唔舒服.

南俠

LamLam · **發表於 :** 2005-06-20 15:31

以我第三者來說
佢地態度無咩問題
我諗你年紀唔會好大
所以人地講兩句你會受唔住

Anyway, 養魚=養水
D水唔係加左除氯劑就即刻用得既
而家唔好再買魚同任何用品
等下先

同埋你個缸有幾大?
有無18"
成百條魚唔係咁容易

ching4ever · **發表於 :** 2005-06-20 16:00

一買就買一百條魚﹖
D水都沒定﹐D魚一定死。
還有聽D前輩講﹐D袋裝魚很容易死的﹐你買的是自己選的還是袋裝的﹖

給點耐性啦

fungcjeong · **註冊時間:** 2004-12-12 12:59 **文章:** 583

買新缸,水都未定...
就落魚.....
我個時開蝦...仲心急過你啦.....
不過都開左2個幾禮拜先落蝦......
加上你落太多魚喇.....
係咁死魚....怪你心急..啦...
你中要成100幾條魚.......
你不如係度湣下水學多d野先啦..
我個時係度睇左2個禮拜先問野.....

15 · **發表於 :** 2005-06-20 17:59

fungcjeong 寫:

買新缸,水都未定...
就落魚.....
我個時開蝦...仲心急過你啦.....
不過都開左2個幾禮拜先落蝦......
加上你落太多魚喇.....
係咁死魚....怪你心急..啦...
你中要成100幾條魚.......
你不如係度湣下水學多d野先啦..
我個時係度睇左2個禮拜先問野.....

you are wrong
shall be 200幾條魚.......

fungcjeong · **註冊時間:** 2004-12-12 12:59 **文章:** 583

200幾條

冇野啦咁.........2百幾...........

amen · **發表於 :** 2005-06-20 23:52

南俠寫:

我冇打算叻過D專家, 亦冇當過自己係專家, 否則就唔會上來問, 上來學, 不過大家的答案及態度真的令我有D唔舒服.

南俠

其實我覺得都唔算會令人太難堪,人地說的都是事實,只不過係直話直說,比較口述化,如果問完問題,少少嘢就話比人知您介意~咁以後好難怪人唔敢答您問題囉!!!! :-n04
其實細缸,我都見人可以養到多d魚(細魚),不過最重要係要水質定下來,先好膽大心細咁去放魚落缸,當魚不時在到達某數量時會時有死魚,咁可能係您個缸話您知只可以咁多,唔可以放魚啦!!

咁aa缸都有大size的套缸,您果個係幾多吋??

南俠 · **註冊時間:** 2005-06-20 10:13 **文章:** 64

可能我去開的網站都比較主動的幫助人, 主動提議解決的方法, 亦比較少嘲諷人. 但最大的可能是我用的語言可能和大家的不同, 所以有所誤會.

缸內沒有二百尾魚那麼多, 只有一百多一點, 而且全是小魚. 缸我沒量過, 應該是20吋左右. 而且是高身的那種.

報告: 今天一尾魚也沒死.

南俠

提子 · **註冊時間:** 2005-06-02 12:20 **文章:** 22

個店員真係有點吹水唔抺咀.....
其實岩岩開缸,個硝化系統未搞掂.你又加得太多魚,先會有大量死魚的問題出現

其實養魚都要做下功課,你都仲未做足功課就開缸養魚...黎得呢度既多數都係愛魚愛草之人,見你咁樣當然會話你幾句啦~第時去到邊都要受下氣,況且你宜家係要人地答你既問題,人地都唔係奉旨答你架ma~

多d上網學下養魚啦~

水草情迷

[問題] 沙是否真的咁毒?

誰在線上