水草情迷

強烈照明度對水草的生長, 自然是好事, 而且是必需的。
但相對魚兒嚟講, 我不知會否頂唔順, 一個40吋缸, 根據網友的意見, 照明動輒需要去到2-300W, 通常我哋40呎間房,2枝40W嘅光管夠光有餘, 時間一耐, 仲會煩躁不安！
我現在用三套孖管6x30W, 草生得幾好, 仲有青苔, 但有時拎起是但一套, 望向光源2X30W, 嘩！幾乎盲眼。
試問在此有限空間, 開住如此強光, 感覺好似烈日當空, 受緊強光逼供酷刑咁。我發覺佢哋都係煩躁不安, 神態緊張, 唔知是否輻射太犀利, 長此以往, 會否致盲及影響生長?
而且一開一關時, 嚇得四散逃命, 攪到撼頭埋牆, 遍體鱗傷, 有時甚至咁就報銷。 請教其他網友有咩解救?

我都覺得
我依家d燈係2X36W PL ,光過全屋所有燈...

從宏觀角度黎睇，做魚已經係不幸，做飼養魚係不幸中之不幸，幸好d魚係熱帶魚，天生係向烈日當空中長大，你可以試下將三組燈分段開同熄，熄燈後用布圍缸，聊表寸心，唔駛太過多愁善感。

你既光源同太陽光比都係好濕碎,而家光管用電子牛已經好好,以前用線牛,一開燈就閃到d魚跳舞,仲要勁熱

不如種多d草...好遮陰呀!!!!

我都係用分段式燈光(開關都係)
魚魚習慣後已經唔會四散逃命
一關燈就乖乖搵地方瞓覺

種紅河根, 生長快, 葉會伸到水面(好似蓮葉), 有遮光作用, 一棵有五六塊葉, 嫌多可以剪,$15一棵.