水草情迷

各位, 請當我小妹妹無知, 我前排買了10條鉛筆魚仔, 但呢幾日發覺有其中兩條魚仔, 成日貼住咁游來游去, 又成日轉來轉去互"叮" 咁佢地係咁想生bb? 若果係咁我要點呀?
請勿見笑, 算小女子資歷尚淺, 請指教! 謝謝!

佢地係打緊交, 唔係交緊配.

唔係喎, 只係佢地兩條, 我望左佢地好耐啦

因為其他魚已經鬥輸哂, 淨返兩條爭做魚缸皇帝.

個人認為此類情況是公魚在追母魚,希望能交配,你可以留意是否只是其中一條追追追,另一條只會跑,而兩者不會掉轉.

如果有心繁殖可以將兩魚放到另一個缸養育,試試能否成功

以上乃小弟愚見
有錯請指證

但我個魚缸仲有神仙魚, 孔雀, 飛弧. 咁佢地都好巴閉喎.

我都會嘗試將兩條隔缸, 希望佢地真係可以生bb, 若果唔係先放回原地啦! (如果係生bb就好啦!)

成功的話記上黎講下經驗

好的. 我會小心照顧佢地, 你地等我好消息啦!

祝魚孫滿堂.

IVY, 剛剛刨完鉛筆, 魚書話鉛筆是非常難於缸內繁殖的, 必須有非常穩定及合適的水質, 須由繁殖專家始能成事, 如果真的產了卵, 須儘快將母魚移去, 因為鉛筆會很快食哂D卵.

難並不代表不可能, 努力吧!

P.S.但我認為他們是爭做鉛筆王機會高些!

我都同意tcc的講法, 因為成日轉來轉去互"叮" 多數係勢力的表現, 如果有意交配應該係會互相糾纏及一追一逐, 我兩條鉛筆都係咁, 成日在隱蔽處攪o野。

have eggs ma?????

各位前輩, 我果d紅肚鉛筆都有以上情況出現, 我想問"姆"個肚係咪無咁紅呢? 另外我現在發現其中一條個肚無咁紅的幾日無食野, 個肚脹大, 有時浮到最頂並在死角處藏身, 有時在缸底, 究竟佢係咪有左.......定有病快要死呢? 已經超過3日了!! 究竟係紅事定白事呢? 請各位分享意見! 多多指教!