水草情迷

反完缸,等幾耐度先好放番d魚入去??, 白mon果陣放得唔得??

如果d個時候放魚入去, 死左係正常, 唔死係好彩.

_________________

www.cau-aqua.net


http://killieclub.hk

冇標準架，睇你有幾多魚、個濾水器夠唔夠力，夠力一日都得，唔夠力一個月都唔得，多D觀察。

最後番缸後1小時,見水質好左好多
便冒險放魚,因沒有後備缸,恐怕金魚在水盤捱不了很久,所以冒險放魚,放完之後已是11點多
然後訓覺
第二朝見到d水已清澈,魚亦生猛,可喜可賀

我都係
連d蝦都冇死，可喜可賀

金魚比較捱得, 不能作準架!
要小心, 小心.

_________________
琉璃世界波光影 流轉逍遙逐水城
回首前塵疑是夢 迷濛醉眼羨魚情

唔好咁急啊~等多陣都唔怕

_________________
放棄櫻桃

就好似有人"冒險"放你入毒氣房, 然後第二朝見你冇事, 跟住同你講....可喜可賀!!

年青人, 唔好咁心急, 魚都有生命.

_________________

www.cau-aqua.net


http://killieclub.hk

不是金魚,是普通果d熱帶魚

我都明,但係d魚係個水盤度,乜都無,我驚捱唔到幾耐
而個缸又清番好多,所以先冒一次險

第一樣要講既係同魚換環境一定有風險，咁一日後放魚既風險係咪大過十日後呢？我就唔覺得。假設你起一個新缸，大路既基本設備有沙/泥底、濾水器、濾材，針對標題，其他唔講。假如你已經清潔好D設備，已經加入水喉水入缸，你重要等乜先令你安心放魚落缸?
一致公認對魚有害既物質包括有氯氣、亞摩尼亞、一些所謂害菌、寄生蟲等。將水喉水放一晚，加上水流/氣泵，已可令水中氯氣揮發到一個很低水平。未聽過水喉水有亞摩尼亞。由於係新鮮水，害菌已經比氯氣殺死，依樣可以放心，寄生蟲唔會因為D水放耐D而減少。白濛濛既係分解唔晒既蛋白質，唔相信蛋白質對魚有害。
好多網友話要等硝化系統成熟先可以放魚，以我理解硝化菌主要作用係分解亞摩尼亞，新水又點會有亞摩尼亞？冇亞摩尼亞硝化菌都死得。
我反而覺得pH值同魚既數量要小心處理，如果用沙底問題不大，如果用泥底，新泥會比舊泥酸，魚兒有機會因pH shock (唔識譯，姑且叫酸鹼度突變)而死。魚去到一個新環境，一定會有緊張同不安，排放既亞摩尼亞比穩定時高，所以放魚唔可以一大批咁放，以免亞摩尼亞濃度過高。放完魚最好封缸一日，等魚兒快D穩定。

新缸一開始無錯係無咁多害菌,但係放魚後水中蛋白質亦都無益菌分解,而空氣中含有大量害菌分解蛋白質放出阿mon尼亞,所以新缸先唔放魚
但係舊缸反底又唔同,因大量益菌已繁殖係瀘筒內,水中白mon主要係因為水中particles仲未沉積,所以反缸放魚無新缸放魚咁嚴重