先黎案發經過:
尋晚收工返到屋企, 第一時間睇下個缸 (標準動作)
第一眼見到 d 南極杉有三棵黑晒, 由頭到腳都黑晒 ... Total lost!
第二眼見到 d 紅蓮燈係度沖泡泡浴, 四條係晒個氣pump出氣口度, 我個心仲諗: 都幾識玩/嘆 ..
清理完 d 南極杉後仲見到個四條魚仲係度沖涼, 咁有趣既野 ... 當然睇多兩眼 ... 一睇清楚之後第一個反應係中招!
生白點!
第一時間走去準備 spare 缸, 以前既經驗係: 加滴藍藥水就會好快好!
個缸ok好之後準備捉魚啦 ~ 睇多眼 ... 大獲
... 而家係草缸, 唔係沙缸, 點捉紅蓮燈??? 盡下人事盡左 15 分鐘 ... 放棄 ... 轉捉彩鳳! 有 6 條, 30 秒捉晒! 隔離佢地, 呢種魚都幾易中招!
跟住上網潛水啦, 未玩過草缸, of course 要 research 下啦, search 到方法岩我用既有 3 種 (童子尿個 d 土方唔岩我)
1. 加熱(煲湯)
2. 落藥(毒死佢)
3. 加鹽(做鹽魚)
至簡單至安全係加熱, 去拎暖管啦 ... 幾年無用, 壞左! 又無 d 貴貴日本藥係手 ... 最後只有加鹽!
又出現問題了, 加幾多? research 唔到正確既份量 (問心: 真係無人可以講你知!), 我個缸得 30L 水, 諗諗下不如加半 teaspoon 先, 溶一半係水度加落去, 另一半就照頭淋落去個幾條魚度!
d 鹽一落水底, d 魚魚即刻有反應! ........ 紅蓮燈走去食鹽!
個缸而家有 4 條病魚, 4 條紅肚鉛筆, 4條精靈, 1 條食素既飛狐(唔食魚糧), research 得知, 紅肚鉛筆同素食飛狐唔係咁易中招, 而且無乜本事可以捉到佢地 ... 咁就算把喇 ... 生死有命 ...
今早起身一望, 無乜惡化, 叫盡左人事啦, 今日收工去買暖管 ... 煲佢 10 日殺蟲!
問題:
有乜好既暖管可以介紹? $500左右啦, 貴多少少都得 (6吋水深, 個溫控夠準夠定就得了)
-------------------------------------------------------
24"x9"x12", 水深 6"-8", 30L, Eden 501, DIY CO2, 8w T5x3
金塔x6, 珍珠金錢, 水榕x2, 南極杉x1, 紅尾松x6
紅蓮燈x4(病), 彩鳳x6(隔離), 彩鳳
BBx16(繁殖缸), 紅肚鉛筆x4, 精靈x4, 素食飛狐x1
登入
註冊
問答集
