水草情迷

嗚嗚…我隻大和沼蝦歸咗西呀 ﹗好心痛呀﹗ 一隻蝦要八蚊，又做得野，最難得係佢32度水溫都唔熟。
而家咁就走咗去賣鹹鴨蛋，好鬼心痛呀 ﹗
我懷疑非洲王子做ga，已經隔離咗…
我要召開死因聆訊，調查死因﹗

唔係皇子做，如果你話唔見左隻蝦，就可以話係皇子做。

引文:
--------------------------------------------------------------------
[唔係皇子做，如果你話唔見左隻蝦，就可以話係皇子做。]
--------------------------------------------------------------------

why??

皇子食蝦，唔會見渣。

沼蝦有皇子那麼大，會不會啖食需時??(佢食個陣被我見到...)
案情十分嚴重，有鏍絲兄提醒，我保證唔會死錯良『魚』。

係喎，唔記得問蝦有幾大、魚有幾大，妄下判斷，因為我都養過幾年皇子，有D偏心，唔好怪。

死者大和沼蝦:養咗一個多月，長約3-4cm

死因聆訊結果:
死者身軀無變白--------->死去不久。
死者無熟到------------->排除水溫過高。
死者有多處明顯傷痕----->明顯被殺害。
(頭手腳無咗)
死者身軀十分柔軟---------換殼不久，慘遭殺害。

慿以上證據，可以確定大和沼蝦:死於不幸和人為疏忽。

我唔應該放啲殺手魚落去，而家累死隻蝦law.....
我一定會搵出兇手...
疑兇:
暹羅圓尾鬥魚，養咗約一個星期，長約7-8cm
皇子，養咗一個多星期，長約4cm

我想問吓:
暹羅圓尾鬥魚有無食蝦習慣?
同埋皇子會唔會攻擊或獵食比佢大獵物?

唔怪唔怪...鏍絲兄，而家最緊要搵出兇手，然後扔佢出大缸!!
我唔會比更多魚蝦遇害。

有機會啦..不過應該係慢慢咁...比佢打死....慘...

到而家我都分唔出係『暹羅圓尾鬥魚』定係『皇子』做ga。
另外，捉皇子個陣，我發現啲蜜蜂蝦全部唔見晒，渣都搵唔到...

@.@...你果缸入邊仲有乜@.@

32度............梗係唔見晒蜜蜂蝦拉.........
32度大和沼蝦捱到一時亦唔見得捱到妤耐.........尤其係換殼時身子較弱....

1. 唔知..........從未試過將兩者放於同一空間....
2. 絕對會...........
如果你只懷疑魚既話..........皇子會比鬥魚大好多好多.....
因為後者通常只對同類動武, 而且常留在水面...........

我個缸一共有︰

暹羅圓尾鬥魚...x1(全缸最強悍，無魚敢攪佢，但好少追其他魚)
七彩麗麗.........x2(全缸最細膽，食野先出嚟)
皇子...............x1(全缸最攪事，乜野都咬除咗鬥魚)
黑裙...............x3(全缸最食得，由乾糧活餌至死屍乜都食)
藍斑馬BB........x3(全缸最好奇，成日四圍游，乜都唔驚)
金苔...............x2(全缸最神經，倒亂多過做野)
小靈精............x2(全缸最勤奮，其中一條失咗蹤)
沼蝦...............x2(全缸最勤奮，其中一隻遇襲至死)
蜜蜂蝦............x5(全缸最細粒，而家全部失咗蹤)

好煩呀...時不時失蹤，尋晚重要去收屍，咁上吓又去旺角買魚啦
各位前輩呀，你地會唔會經常遇到類似情況，遇到又會點做？

都要鋪定後路啦，最理想梗係分缸啦，暹羅圓尾鬥魚、皇子、藍斑馬BB、金苔一缸，其他一缸，冇位就放棄一邊，純個邊實有人收留，惡個邊就頭痕D。

咁就唔只小王子有可能係兇手啦...其他都好有可能...