水草情迷

首先對不起﹐小弟初來報到﹐不知應否貼在這裡﹐如不對請見諒及提點。

小弟近日買了一個15串缸(高身)﹐想養一些魚﹕(麒麟﹐燈魚﹐鯛魚﹐等混合養)。
新缸已浸過了兩三日﹐(而且據店主所講﹐這種缸無需怎樣浸﹐因為大量生產﹐已在貨艙擺放一段時間)﹐現考慮佈置缸竟﹐然後落魚。
問題如下﹕
1)缸內會養草﹐不知那些較適合呢﹖因為會和魚一起的﹐那些沙/泥會好些(不會污濁的那種﹐因為想盡快放魚下去)。佈景後要等多久才可放魚呢﹖
2)我用的慮水器是內置的﹐而且是沉底的。不知那些沙/泥較適合﹖
3)我已買了沉木﹐預備佈景用。
4)金魚(麒麟)﹐鯛魚和燈魚可否混合養呢﹖另外我亦想養一些蝦﹐是否可以﹖蝦會否食水草﹖
5)因為家裡地方小﹐沒有什麼特別慮水設備﹐亦沒有桶/盆載水留過夜﹐不知那些所謂“定水劑”/“新水劑”有效嗎﹖落了這些藥劑後要等多久才可放魚﹖

因為小弟是新手﹐在此勞煩各位幫幫手~

謝謝﹐感激萬分~

1. 基本上乜草都得呀, 你用乜燈呀 ? 快... 快唔黎o架啦, 想快只有死魚的痛. 濁就一定的啦, 要過濾成熟,<a href="http://www.aqugrass.com/phpBB2/tutorial.php" target="blank"> 硝化循環完成</A>, 雖說是小缸, 都要返幾個星期. "陰性"草就可用"黑鋼沙", "陽性"草就用ada 泥.
2. 內置濾水 ? 套裝缸嗎 ? 乜泥同沙都可以呀.
3. 都唔係問題黎o既
4. 金魚(麒麟) , 麒麟金魚 ?? 新魚 金魚食草o架. 魚就食蝦, 你得 15吋缸咋喎, 混養好迫呀.
5. 新水劑係加係新水處, 混合好, 等一陣, 再加係缸水, 效果先最好啦

忠告, 看多些貼文先開波啦. 尤其係置頂, 同精華個o的呀. , "xx" 括住個的就找找舊交看看啦 , 呵呵.

_________________
多多交流, 多多研究, 多多搜尋
我的水族相簿

謝謝~
1﹐ 2)我買果個係套裝缸黎~ 有兩支光管﹐但係唔知咩燈@_@﹐可以換是也~
即係話當我做好景﹐要等過兩個星期先可放魚﹖(oh...好長的時間@_@",我老婆話想快D養麒麟金魚[我諗係波子魚])
4)原來金魚食草架﹖﹖ 弊﹗我老婆仲話一定要養金魚添﹗ 點算﹗@_@"
5)明白~

謝謝~

都唔係所有草都食o既, o的長長幼幼, 容易斷就最好味, 大葉厚身o既就唔係點咬到, 水草品種繁多, 實有o岩你o既, 尤其是陰性草的, 水榕, 鐵皇冠類, 都很合你的缸o既.

_________________
多多交流, 多多研究, 多多搜尋
我的水族相簿

SuperCTW 兄﹐
你真係好人~多謝你的意見。^_^
甘我都放心D~ 哈哈~ 如果唔養得金魚﹐老婆實行唔養﹐ 唔養得水草﹐我又覺得好無隱~ 而家都放心D~ 真係唔該晒~
另外﹐ 有無D咩泥/沙係適合水草(特別係你講果幾種草)而又唔洗等甘耐先可放魚~(我老婆好心急想養金魚呀﹗)
呀~仲有(差D唔記得問)﹐我計過個缸容量﹐大概35公升水(因為高身缸)﹐我係諗住會養6~8條果D金魚仔(應該係波子魚﹐好細條但好肥果D呢~)﹐再加十幾條新燈/紅蓮燈﹐同埋養一對鯛魚。你覺得會唔會多得濟呢﹖我諗住係會擺好多草落去架~ 同埋呢款缸係唔連氣泵的﹐慮水器個所謂built-in air 唔夠力將D氣打落水到﹐我諗住都要買個air bump 先得。

謝謝~

d魚盡量唔好咁多啦,得果15",除左逼之餘,仲會對水質有好大影響~
另外~ 如果係種滿草的話可以唔使落氣泵,因為只要條件好,水草係最好的氧氣來源~

唔該晒~
我呢幾日搞個缸搞左好耐﹐ 前日終於settle down 。 而家數數下﹐有以下生物(草唔計啦~)
波子魚仔(細細條果種)﹕ 2條。
日光燈魚(最長半寸長左右)﹕13條左右
藍鑽石(唔知學名係咩)﹕5條
水草蝦仔(好細隻)﹕18條左右
total 有38條﹐ 個缸容量大概35升水
佈景就ok 啦(哈哈~ 我唔係太識咋﹐所以都唔知靚唔靚 )﹐有兩舊沉木(自己綁左D莫絲﹐D蝦仔好鍾意甘禾~成日游過去﹐不過今)﹐大概8~9扎唔同種類水草(我就揀左D粗生D)。
泥(日本果隻)鋪左一包﹐都已經成兩寸厚。


唔知會唔會多左D呢﹖ 睇落又唔見逼禾~ 我都知一條用一公升水﹐但係甘細條魚/暇, 唔知點樣計算呢?

謝謝~

景冇話好唔好，最緊要順眼同自己鍾意。魚都冇話多唔多，最好望埋去好似山頂漫步，而唔係銅鑼灣過馬路，同埋魚係會大嘅。魚多、缸細、內置濾水，你要勤D換水，建議你買個盒仔，3-5L溶量，3-4日換一次水，換水時吸吸泥面廢物，定水劑可以唔落。

鏍絲兄,
唔該晒~ 我已經有個細缸仔﹐就係之前未買缸時諗住玩下。 由於我而家新買個缸係屬於高身形的15寸缸(15"x10"x18"左右)﹐所以望落去比較大D, 不過濾水器的水流太急,D魚成日都游埋一邊, 我諗住用海綿塞一塞由格屎板搏落去個摩打位,唔知得唔得呢﹖會唔會整壞個摩打架?
D蝦仔就似乎幾鍾意個缸﹐響個缸底食野又有,響D草間游來游去又有, 我老婆睇得最開心就係D蝦蝦耐唔耐就會打橫游過個缸,幾特別﹐當然﹐我老婆都係鍾意果對波子魚仔多D,游水個樣好Q。

另外,其實我養D唔係特別的草係唔係唔需要用到泥呢﹖(用沙就已經得﹖)我甘問係因為D泥會好容易就塵土飛揚。

謝謝。
(我老婆仲話如果養掂呢缸﹐好想買個大大缸養多D禾! ..弊..!我呢次真係有排搞!屋企細嘛。)