水草情迷

我之前買左一條金波子, 一日就死左, 所以想問問佢既飼養條件. 我本身個江係 微酸, 27-28 度. 冇濾水, 冇pump 氣.
請大家幫幫忙. many thx!!!

金波子都好粗生。但都要比個濾水，起碼比條水草。乜都冇...........！你唔好養魚啦

thx la!!! 請問除左濾水, 水草, 仲要d 乜?

佢既相

如果有燈比佢照下(幾個鐘就夠)個身D色會靚好多，買間屋仔或杯仔比地佢休息。
另外金波子好鍾意食赤蟲(紅蟲乾)，你會聽到佢地食到(拍拍)聲。
不過唔好太多，小小就夠，溝下乾糧。
我就大約兩日一餐，每餐你預佢四至五分鐘內食完就算係夠糧。
你個條女黎架，買多條仔比佢地開心下啦。
女冇仔咁靚(除左有BB個陣)
養養下佢會証主人。好叻架
養魚都要比愛心。

我有俾燈佢la. 我買左濾水la!!!! 希望佢冇時la.

呢隻魚我都養到寫個服字

呢種係我太座大人愛魚，自從佢養左好耐果條百年歸老之後，我買一條死一條，任我如何精挑細選，都過唔倒一個禮拜，連死5條之後我都唔敢買

我就未死過呀，我有兩女一仔。早一個月其中一條女生左十幾粒卵。四日後就出世，不過唔夠一個星期就死晒，BB魚好難養。
不如我講下我個缸先啦，可能會幫到你。
我會Keep住大約26~28度水，14"缸，一個濾洞，燈照4~6個鐘，水草有莫絲同金魚茜，兩日放糧一次，一個月換水一次，每次三份一缸，換水後放小小黃粗鹽。
不過照相睇，你隻女好驚咁喎。因為呢隻魚一驚就會變白...........
你睇下係咪有其他魚(蝦)佢，早小小買隻公，可能佢會冇咁驚。因為呢種魚係出相入對架，隻公會幫隻娜出頭(好錫老婆)。公係燕子尾，娜係圓尾，好易分。可能佢冇仔溝唔開心

佢敢係咪都係叫圓尾??

冇錯係圓尾

唔該哂!!! 我會再去睇多d, 希望會學識分男女la!!
佢今日都生生猛猛敢. 真係多謝幫忙la!!!! many thx!!

生仔箱中的是什麼魚?

大約係....(美國金花唐蚤) 敢la. 好得意架, 有時d 店會叫佢大花貓, 好平架, 我條 6 蚊la. 好生猛, 成日係度郁, 又粗生, 又大食, 乜都食, 乜都咬, 所以我困住佢, 佢會咬我條鬥魚. 嚇到佢死. 佢個樣好白痴架. 我叫佢做麥兜.