水草情迷

呢個孔雀缸, 我已經開了2年.
缸中佈置底床是生物環及moss.作用不是養菌, 是因為如果有魚散了, 可以讓魚bb有地方"閃避"大魚的追吃..
孔雀亦都係養開. 有d係自已散, 有d係長期養落的了.
一路未出過事.
不過.
上星期開始..突然一日間全部孔雀浮頭
是不正常的浮頭, 並不是缺氧
但只是浮頭, 並沒有其他不正常的表徵.(例如體色減退, 爛肉, 爛尾. 摺尾等.)
期間, 各孔雀一時浮頭, 一時聚落底床.一時又浮頭.如是者重覆又重覆.
連續多日的浮頭+沉底, ....到第3日開始開始不停死魚.
魚的死狀十分怪, 死前是穿入底床的生物環.
各條魚亦如是. 缸中充滿一條條套入生物環的孔雀. 而且..是緊緊的套入. 有些緊至我要用水草夾去夾他出來.
初期, 我並沒有影相的打算.因為真的很恐怖及可憐.
不過..後來還是覺得需要有圖片去表達. 可以更清楚可以同大家討論找出他們的死亡原因.

不知...大家覺得原因是什麼呢?

圖中的魚有點爛, 是因為死了浸了一整天水的原因, 因為我出外.

_________________

睇到都心痛.係唔係d水有問題呀?

_________________
http://www.ec-photo.com/orsaikit/

初期就水沒有問題
不過後期短時間內死大量魚
而中間有換過大量水加上大量死魚令到水質惡化
所以水質後期應該大有問題
不過初期就應該水質是良好的.
魚也大部份養了很久.

_________________

我諗唔會係一開始就緊緊套入..
而係佢入o左去之後死o左..
條屍發脹後你覺得緊o左..

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

呢個我都有唸過有佢既可能性
不過觀察所得.係有d 本身剛死未甩色未發脹
都見佢比較緊的套入.
所以我亦都懷疑佢死前係用力咁令自已身體推向內~

_________________

係咪你個樣近排有咩大改變..?

_________________
http://www.aqugrass.com/phpBB2/viewtopic.php?t=39365
我的魚缸資料(2008-5-13更新)

我個樣..冇大改變..... 都係貓樣....所以佢地習慣貓樣, 唔會比貓樣嚇親套圈而死的~

你指的是個缸嗎........
我個缸.......都冇大郁過.
咁先奇...

其實....................
我心目中有一個原因
.....................................................就係佢地...........中毒
呢個到目前為止我覺最大的可能性

不過我都想同大家討論大家覺得的其他可能性.及大家的意見.

_________________

arcat, 1)您換水果兩日,有無落大雨?
2)大量換水,d水有無養水?
3)d新水有無落新水劑之類?(如有...是否過量??)
4)在沒有換水的日子,有無多手落任何嘢?

_________________
一切從心便是美...便是自己[email protected]

amencheng1113,

1)您換水果兩日,有無落大雨?
死囉.....完全冇印象........應該係上星期初...

2)大量換水,d水有無養水?
有...我習慣係有養水.....養1至3日. 除非係特發事件.例如唔記得養水. 唔夠水換.又想果日換. 咁樣我就會落清水劑.

3)d新水有無落新水劑之類?(如有...是否過量??)
(1)出事前果次正常每星期的換水我係有養水.有養水的情況下我不會落新水劑, 不過我習慣會落維他命(適量, 我既習慣).
(2)而出事後我覺得係水有問題於是我大量換水. 我換左3/5水, 呢D我印象中係用左一半養水, 一半係水喉水, 因為我唔夠養水用, 而果一半水喉水我係沒有落清水劑.
同時, 因為突然的大量換水
所以我加左少量的消化菌.
而換完水..之後我見完全沒有起色. 在沒有頭緒的情況下..落左輕度份量tdc+中等份量的廣生素....我想從小量tdc開始, 唔想魚再受到重大沖擊


話時話.....我以前個草缸我有一次係因為唔記得養水.換水時我落左過量清水劑, 搞到大反缸. 成個草缸D鯛出事....重傷....果次之後我極度小心呢家野~

4)在沒有換水的日子,有無多手落任何嘢?
沒有.

_________________

落雨會有影響的嗎??

我估係amen意思係落大雨....令到水塘的水混濁, 所以水質有機會出問題........
唔知係咪呢...

_________________

大量死魚，一定係d水有事，如果唔係阿媽噴殺蟲水之類既外來因素，多數係底床出事，因底床水流比較弱，有利細菌茲生(雖然大家都知道硝化菌係養係濾水器內，因佢好氧)。不過除左益菌，害菌一樣唔會執輸，一樣會繁殖，平日打理唔好，積積埋埋，始終會有過量既一日。
d魚上下咁游，係出現不安現象，好明顯已經係一個先兆。死係生化環中，係因為魚臨死前都會四圍竄，到竄左入生化環，已經冇力走。
所以要習慣性換水，換水時先清潔底床，枯葉要夾走，唔係阿貓都會燒鬚。

一係患病怕光,一係圈圈中間有野食.

大量換水有無留意ph值呀?
ph值突然轉變可以令孔雀即死架

_________________