水草情迷

我o的紅鼻唔知係咪有病..依二三日個鼻勁唔紅...好似無晒紅色咁
今日換左1/3既水
又睇唔出係咪有病...只係之前成日游黎游去...但係依排成日係水草日間
唔多郁....
但佢地又肯食野...
>__<見佢地個鼻一日比一日淡色
究竟我可以點好?
唔該大家

好可能係水既問題....

咁其實o的水應該係有乜問題?
同埋我點先知o的水有乜問題?
唔該

有無check下水溫?前排我支暖管壞左,d魚個頭立即變青呀!換左暖管,依家佢地又紅又活潑呀!

無呀..o的水溫都係26度...
我有check 開..同埋pH 又無點變喎..
攪到我都唔知點好..(又好似無咩明顯病態)
又肯食野..
但就係唔紅(好似無晒紅色咁)..又唔會好似之前咁游黎游去 >_<
唔精神-_-"

1. 咁有無改過水流?之前我個魚缸d水流方向唔係太好,攪到d魚要努力咁向住d水流游!d色焦咁鮮紅....
2. d魚會唔會有病?我有7條紅鼻,有6條好紅,但另外一條呢,青bb咁,發現左呢個問題已經半年了,都唔知點解決.....
3. 或者試下密d換水,每次換少d,我覺得呢,呢個方法可以解決好多問題...

以上都係我的意見,如果有什麼不對,請指教指教!!

oralb兄...唔係好明第一點..
即係要o的水流勁...等o的魚不斷咁向水流游?

其實係咁,當時我換左個瀘水器,之後我發現魚剩係識向住d水流游(好似三文魚咁),但問題係全部都係唔會向前後,又唔會向左右游,定點咁游,感覺好有問題,於是改左水流,之後d魚便開始四處自由自在咁游!而且好明顯,無論紅鼻or紅蓮燈,改左水流d色鮮左好多,又活潑!
所以咪諗下你會唔會都係遇到呢個問題囉!