水草情迷

[分享] 蝸牛扇應用篇

記得之前睇過湯米兄隻扁身蝸牛扇, 某日行過黃金, 見到呢把出風幾勁下既蝸牛扇, 就買了兩把黎比兩個小缸用.

材料
1. 12V DC 0.72A 蝸牛扇, 35~45蚊
2. 風扇網 5蚊, 螺絲 2蚊 6 粒, 膠吸盤
3. 小型電子牛 39蚊
4. 熱溶膠
5. 透明薄膠片, 雙面膠紙, 界刀文具等.

向上出風的蝸牛扇, 用電 12v DC, 0.72A


鑽洞加上吸盤, 可以吸在玻璃上, 再套上風槽


1.5A 12v 輸出的火牛, 原本是用來給外置硬盤用的, 剛好可以用黎接上兩把 0.72A 的蝸牛扇, 運作時溫度微熱.


應用 1 :
好粗糙咁用熱溶膠, 將風扇斜斜的黏在掛濾蓋上, 而由於蝸牛扇出風結構問題, 所以要將風扇稍微轉向, 等出風可以完全吹向水面.




應用 2 :
另一個做法, 安裝風槽, 原理有點似現時市面上有售的風扇, 都係將風扇出風方向改變





用釘裝用的薄膠片, 就很容易的摺出通風槽, 再用雙面膠紙貼好就成. 呎吋構造, 隨你想像發揮.



風扇降溫, 好受環境濕度影響, 所以唔好問可以降到幾多度, 個個都會唔同的.
現時都可以由 30度降至 27度, 如果開了冷氣, 水溫當然就更加進一步下降.

_________________
多多交流, 多多研究, 多多搜尋
我的水族相簿

好有心機,應用2果個會唔會效果好d同安全d?!

_________________
一切從心便是美...便是自己[email protected]

我諗會...因為冇咁易趺落水...
super大大....請問呢...你係用左係幾多吋既缸到呀~?,有幾小缸~?

_________________
聖誕翻缸大作戰

Super兄, 你D勞作好正喎!不過因著比人告你侵犯版權

_________________
"一起推動水族設景潮流, 集思廣益, 雅俗共賞。"
Life is to enjoy.....

薄膠片通風槽 ...哈哈　！正 .

嘈唔嘈 ????????




又想問 .. 通風槽 半尺長 vs 10尺長 ... 所出的風力會減弱嗎???( 出口size 一樣)

super兄反應真快, 心思一流, 犀利呀!

其實到底風槽會唔會減弱左風力架？

_________________
老鬼一隻

大大, 直頭好似冷氣糟, 如果風力夠, 可以多幾個出風口.

因為應用 2 個吸盤材料好似較差,吸得唔係好實, 成日都鬆既. 所以要加多條鋁條去mount 係個缸. 反而應用 1 用熱溶膠貼死係個蓋, 郁都唔郁下.
出風位, 可能應用 1 較得唔好, 唔係太直吹向水面. 如果再加多個罩應該好少少.


兩個小缸嘛, 係 15x 7x 9 吋同埋 17x 8x 10吋缸.


嘿嘿, 呢的勞作仔, 除非你同我買左佢啦.


越長應該越弱, 冇咁長既膠片喎, 等你試完話我知啦.

會, 所以要用把勁o的既扇, 盡量短既風槽. 將風收集, 盡量貼向水面橫吹.
出面賣緊個隻, 個火牛輸出, 都只係得 0.35A, 把扇既功率, 應該都不會太高.

_________________
多多交流, 多多研究, 多多搜尋
我的水族相簿

利害 利害~~

super兄 非常好啊...

Good Job!

thanks super