水草情迷

跟據RAD.C之前話用冰糖制做CO2
小弟做左個簡單既測試，發覺冰糖效果相當理想
材料:
兩舊黃冰糖(每個大約乒乓球大小，打碎後放入樽)
一茶匙乾衣士
測試內容:
CO2 大約一秒一個泡，24小時長開，連開2個星期
測試結果:
玩左兩個星期不但泡冇小，仲依然強勁有力 (開大D都仲得)。
兩個星期都有氣出，平時用開沙糖...一早就玩完啦。
所以冰糖係可以一試。


當然呢個測試，我唔會放係魚缸試啦(24小時係咁出氣，我驚D魚會死)
我係另外搵個冇用既膠箱係入面試，入面一樣有草有燈(草係鹿角苔)

我會一路試呢個實驗，我想睇下24小時長開可以玩幾多日先至冇氣出。
一個月後再話比大家知

我都有諗過，我仲想用片糖試，效果應該更好，不過個容器就要大個d

我用冰糖試過，意為可能太少糖無氣出。
用番砂糖啦，都一樣無
用成年都無問題，點解一玩轉糖就出事
天氣太凍問題 加多d乾依士得唔得 ( 之前試過太多好快玩完 )
唔用細化器轉用木筷子都推唔到

今日用熱毛巾包住個樽，幾分鐘後有氣出。( 結論 — 太凍 )

終於冇氣出啦........
由第一日計24小時每秒一個泡玩左廿九日。
真係幾底玩。
最後一個星期係明顯見到D氣唔夠力出好慢好慢至會有一個泡........大約5~6秒
打開個樽發覺酒精味冇沙糖咁勁，我自己覺得明顯係小左酒精味。
倒出黎既水小小糖都冇，可能比發酵菌食晒。以前用沙糖唔多唔小都會見到DD沙糖係底。
唔通冰糖好味D食晒？
依家已經做左第二支，一個鐘就有泡出(2009年1月11日整)
我都只係用飲用水黎開。
咁凍都唔係等好耐，我又唔覺凍到出唔到氣喎
今次真係會係魚缸玩........真係有小小驚
希望唔好整死我D魚或草啦。
下次再話比你知