水草情迷

見大師兄出Post我都出來見下人。

這個缸想不到是如此結局，有點意料之外。曾經有段時間因各藻齊集想放棄。後來死馬當活馬醫，一星期內分兩次將全缸水煥去，加多一濾筒，再停止落肥和减糧，再加飛狐，藻才受控制。但換來的是超紅亞卡西、酋長、馬麼、棋盤相繼死亡。留下只有霸王和紅兩點。所以話鯛、草很難雙顧。

造景最好能選些可以挨餓的，如燈魚、彩虹等而且可以食乾糧的水草會健康D。

魚缸呎吋：28"x20"(照片水位降到17")x17"
燈：24W T5HOx6
濾筒：動物 + 金霸P10
泥:ADA 黑泥
肥: ADA step 1, TMG, KCL, ECA
CO2: 每秒 2 泡
草：矮珍珠、小百葉、紅丁香、葉底紅、簣藻、小圓葉、印度小圓葉、湖柳、尖葉皇冠、牛頓草、綠蝴蝶、紅絲青葉、小紅梅、三角莫絲、紅柳、紫三角
造景時間：約三個多月

所以話呢,窮途必末路,絕處可以逢生,唔好輕言放棄呀!

唔識評景,所以求祈up兩句,好過淨係拍手掌啦!!

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

Wow, 酷死了。
兩個高人分享D咁靚既草圖，我們得益不少。
我想問問, (3月前相內)你那支CO2擴散筒是甚麼牌子的？後來(驕陽版)你把它放在缸內甚麼地方?
另外, 用了兩個濾筒, 水流相應強勁了, 那麼平時D水草會出泡嗎?
請問修剪水草的時候, 是剪頂唔留底還是留底部讓它發新支而頂部都再插番的？


Thx HarryPlanter兄。

真係好好啊！你個缸！
我想問下你的t5ho用了多久啊？
我現在的矮珍珠有成幾星期冇生長過啊！唔知係唔係t5ho退化了啊？
但鹿角苔又好好啊！我都係有藻的問是所以一星期換了兩次水一半至三份一缸，唔知係唔係換水多所以會影響啊？

嘩, 嘩, 嘩......蝦叔, 這個缸超正, 看到我眼都定埋. 這個作品, 明顯超越你過往的缸, 你去了那裡修煉, 進步神速..........

紅綠的強烈對比, 紅草紅得自然, 多種不同水草做出很強的層次感, 加埋靚形沈木, Good good good !

有兩個意見, 講得唔好, 唔好怪小弟啊.......
1. 魚不太配合, 取走彩虹魚, 加一些中層及上層燈魚 (最多影完相便放回彩虹魚落缸囉)
2. 左前位, 簣藻及尖葉皇冠做出較平坦的正方位, 這個位自然感及層次感比較不夠, 還可做得更好.

襯這個缸狀態咁好, 我都建議快些影 slide 啦.

老通：
呢到你係老大哥，up多兩句都得掛

Kelvin6666：
溶解筒在祥記有賣，幾好用$180。要影好張相，見到的器材要取出來才影
水流強弱看你如何set出水位。如覺太強，可射向玻璃再反彈。水草當然出泡喇，有時仲好似落雨tim。
修剪水草要看甚麼草。如小圓葉和小百葉就點剪都得。但簣藻就只好從底修。

啊峰：
用左T5HO都有半年，兩頭有些少黑，但光度OK。矮珍珠唔生有很多其他原因。如品種、肥料、CO2、泥土、藻多少等。我都曾經拔走晒重新開始。如長期不生不如重頭來過。矮珍珠生起上來都好快架。其實大部份消化菌都生長在瀘筒、泥土、石、木、葉上換水多並不是太影響消化菌的生長。所以如遇藻生長太多時，勤些換水是非常有用的。但如有敏感的魚隻時就要小心。所以話鯛、草很難雙顧。

貓王：
太誇獎喇，多謝。不過我真的沒有估計到會種到咁紅的。而且有些是水上葉變水中葉的。
我反而喜歡這些魚，如細D重好。草缸造景如有上中下游魚，影起相來會很亂，因為難控制，除非個缸夠大。
我會再修剪尖葉皇冠才影slide的。
Anyway, 多謝意見。

_________________
"一起推動水族設景潮流, 集思廣益, 雅俗共賞。"

http://www.cau-aqua.net
施比受更為有福
忍一時之氣，風平浪靜
退一步，海闊天高

老大哥! 講老,我唔夠老,叫老通,係因為朋友之間出現o左個廿零歲o既Tony,所以俾人叫o左做老通o者!

老實講,你個缸真...真好正,雖然曾經遇到波折,死裡逃生之後,
又有新希望,新曙光.(係驕陽)

_________________
願耶和華賜福給你，保護你。願耶和華使他的臉光照你，賜恩給你。
願耶和華向你仰臉，賜你平安。 民6:24-26

老通Tony

哇Harry ... 太 美 了. 你 跟Waynesham. 真 的 很 厉 害.... 佩 服!佩 服!. 真 的 是 偶 像.... 加 油! 期 待 你 给 我 们 更 多 惊 喜...

正呀...
我比b+...
無錯...養草技術到家...
想知tmg 與 step 1 的比例...
有無落根肥?