水草情迷

用致冷片時,冷的一面與鋁散熱片之間要加散熱膏嗎?

小弟打算diy製冷,但遇到一個問題,
致冷片熱的一面與散熱器的底之間要架散熱膏就一定架喇.
但冷的一面我打算都係用散熱片(其實唔係片,係鋁質的一舊,一面平的向致冷片,另一面一排排的,大家應該知我講乜)
我想知致冷片與散熱片(冷的一面)之間要唔要架散熱膏呢?

我有加.....

_________________
不懂....什麼也不懂.....

多謝回覆

朋友.你有很好的設計.可否有圖嗎?

我遲d會post相上黎,因材料未準備好,未開始整
但可大約用文字簡單講解:
因我個魚缸得12",如果用掛缸式設計,會佔用好多魚缸頂的位置
燈又要移到最前或最後,令光線不平均
整體觀感又唔好睇
所以打算做一個缸外式,可控水流,水箱型致冷片水冷
畫住個設計圖比大家睇下先
暫時我最擔心係鋼膠位的防漏可否承受濾筒的水壓
另外,散熱片可否與食物盒蓋穩固而不漏水,令致冷片不會濕水
大家唔洗比面,歡迎讚彈,大家比D意見

係個底開窿,通常o-ring係個蓋,万一老化,買個新盒換個蓋就得,加T插可能無用,水同电流一样會行易行的路

係個底開窿,通常o-ring係個蓋,万一老化,買個新盒換個蓋就得
其實o-ring老化都可以買個一樣的新盒返黎,淨換o-ring咪得囉,唔洗成個蓋換
加T插可能無用,水同电流一样會行易行的路
你講得啱,就係想利用水係會行阻力少的路,所以我先加個閘掣,咁咪可以控制到去魚缸&去食物盒的水流量

祝你成功,good luck

尋日已痴好出入水口&散熱片(原本打算用鋼膠宜家轉用混合膠),然後做左個測試
先將食物盒放入水盆,再將出人水口駁去T字插,再加一條長膠喉垂直向上(如圖)
然後用漏斗將水慢慢倒入膠喉,直至水位升到長膠喉
再觀察食物盒是否有水漏出&水位有否下跌

測試結果:
當水位高過45CM時,水位會慢慢下跌,而食物盒邊有水一滴一滴咁流出黎
當水位下跌至40CM就開始停下,

另外發現有水漏出的地方竟然係食物盒邊,
反而我最擔心的地方(用膠水痴的地方)就好密實,冇漏水

結論:
由於今次測試係靜止水流,水向下壓而冇地方排走,水只好從防漏最差的地方漏出去
估不到的是竟然係食物盒本身(我己經買出名防漏的L&L牌,唔知係唔係假野)

(估計)只要魚缸及濾筒的出入水位與食物盒底的垂直高度不超過40CM,應該不會漏水,遲些我會實地再測試一次
如果唔得,可能要將個食物盒放高D

啱啱試完,食物盒承受唔到濾桶的水壓

制作時個蓋已变型,亦可能不能承受散熱重量

我都相信盒蓋有變形呀 ....

原裝 L&L 裝食物完全無問題,
單單一條膠喉 x 40cm 既水壓真係用口吹都大過佢

睇黎如果要DIY外置式致冷片水冷的話,真係要用小型濾桶做改裝先得
用CY-20二手濾捅應該得喇掛

暫時將依個設計HOLD住先,做個掛缸式用住先

新填地有靚硬膠防水盒,建議都係底開窿