水草情迷

各位魚友、草友：
天氣又開始炎熱，眼見大家都討論水冷機因為內置溫控問題而導致機頭開關次數增加(擔心浪費電力同金錢)，所以本人誠意向大家分享本人親身改裝海利水冷機的內置溫控過程、步驟同相關相片。由於限制了每次貼3張圖關係，我將會分4次回覆去盡量顯示各步驟，如有不明地方，歡迎提問，本人會盡量回覆，希望大家的魚、草缸可以日日都咁靚、魚草健康啦 唔講咁多，去片先

續上文章

續上文章

再續上文章

Turbosky兄, 你的改裝過程非常清楚, 我想問改裝後每個循環時間要多久? 另外, 可不可以拆原裝的Sensor放在魚缸內? 把原來Sensor的入口封起來呢? 原裝Sensor放在缸內會否流電呢? 因為我都想改裝, 麻煩你指教一下!

原裝0既我就無拆過，不過之前有人兄都係拆返內置溫控裝落缸，我就怕麻煩再買過條。響上面第4張相最左手面0個個就係原裝溫控，拆0左舊有溫控後要封回個窿。改裝前約二十分鐘行機五分鐘不斷重複，改裝後就每行十分鐘停八十分鐘。 眼見原裝0個條就唔夠長放到落缸所以要駁長，唔知你駁口位會唔會落到缸，如果落到的話就有機會會漏電。

哦! 明白了.
白色的膠駁電線, 在那裡可以買到呢? 叫什麼名呀? 為何還要用電線膠布包著呢? 太多問題, 麻煩指教!

唔緊要，有唔明就問係好事，我亦好樂意同大家交流一下的。白色的膠(電氣界叫：10A簪玉，出面有唔同A數，但係用10A足夠有突)電器材料舖甚至五金舖都可能有，幾蚊有一條約10粒。不過用簪玉亦因為我懶唔肯搵個辣鷄去焊錫，唔係就可以直接辣落個接頭度就Perfect haha!包膠布其實防止機內有金屬位掂到導致短路(即Short circuit)，不過亦係多餘之作，因為粒簪玉帶電部份不是太多。

Turbosky兄, 你解釋得非常清楚, 謝謝!

不用客氣，希望你亦成功DIY啦!

turbosky兄130a是否改法一樣

我無改過130A，不過相信個感應器都應該唔會點變，同埋海利機應該係最易改0既一個牌子 你可以拆開你0個部睇睇，如果有唔明的零件可以影張相嚟睇睇大家研究一0下!

Turbosky兄 謝謝

點解唔買個魚缸度計再剪條senor線 都係20蚊雞

其實我都有咁諗過。考慮到第1：條線唔夠長，因為0個0的魚缸溫度計係預你個探頭同個Display LCD唔會隔得遠，所以線長會好短(少過1米)。但係我預算個探頭放響入水口附近(即缸0既左手面)，而我部水冷就響缸0既右手面所以線長都過1米。第2：由於測魚缸溫0個0的溫探頭好似唔多準，同場幾款個個響同一環境下都show唔同溫度(相差幾度)。所以最後都係買0左貴0個條