水草情迷

我今日去買左電阻..不過冇晒7k ohm．．．．咁買其他　ｏｈｍ數.....買左6.8k, 8.2k....駁完發覺顯示嘅溫度較接近現實....6.8k = 32.8c, 8.2k = 28.3c....我估我度電阻時唔太準所致.....大概1.4k相差4c...咁我買粒9-9.6k ohm 應該會貼近d舊o個條線啦.... ...我咁諗法正確嗎..

冇晒7K,可買2粒3.5K串联,或2粒14k並联,要準確應買1%誤差的,但貴啲,如買5%就最好用他表度一度先

並联电阻計法 1/R = 1/R1 +1/R2
串联电阻計法 R= R1 + R2

要同一水温下度

hahar咁就好啦，可以解決到個問題啦!
加上我個腦突然"叮"一聲出0左個idea，就係你買個可變電阻(即出面叫VR)(大約0 ohm~10k ohm呢個range)，裝0左之後你直頭可以著住機轉個VR去就返你支溫度計0既溫度，令到水冷溫度計同你個缸個溫度計讀數一樣 。咁當然用VR有咁0既好處就有佢0既壞處，就係貴過普通0.5w的電阻啦(個價約差10倍到啦)。同埋唔好愈轉愈High一0野就轉去0 ohm(即等如令個sensor circuit short circuit)我都唔知有咩發生haha。較VR一定要好小心咁慢慢較先會準<請緊記>

多謝fan 兄提醒

哈...原來有d 咁嘅野...VR.....不過我剛買左幾粒唔同 OHM 數嘅電阻今晚返去試

終於搵啱電阻...宜家新嘅探頭同舊嘅只係相差0.2-3度.....不過宜家開機時間長左....要降1度要著成30分鐘以上.....至於要幾耐水溫先升1度就仲睇緊....我想問如果開機時間長左..但假設開機次數少著 (假設要較長時間水溫先升至開機溫度).....咁樣對部機會好d ... 定係開機時間短但次數密會好d

咁就梗係前者好0的啦。你諗下咁多人自已DIY都係為0左咁之麻。其實應該咁講啦，第一：因為你改0左個探頭去個缸入面，所以水冷會根據你個缸入面0既溫度而去追你個set point (e.g. 26C)。由於你個缸0既升數比水冷個缸大好多，所以相對要更多時間去冷卻水缸入面0既水。呢個方式就可以真係令你個水缸水溫去到set point溫度。第二：水冷機compressor起動次數少0左，起動次數少0左等於減少電力浪費。第三：以前響一個鐘入面0的魚或軟體要面對3-4次1度(唔知有無，因為內探不準確)的變化，而家係一個鐘面對一次到(我0既情況 )。第四：最怕屋企人話"嘩然!部機成日開咪好浪費電力?"、"部機成日開噴0的熱風出嚟好熱呀!"呢0的說話少聽0左haha

等我觀查下再同TURBO兄你報告

今日紀錄所得...改左缸內探溫...水冷機平均開動30分鐘降溫一度 (P.S. SET 24度...室溫~32度)......之後熄機1小時後先再開動.......相比之前水冷機內水缸探溫....15分鐘顯示降溫1度..之後停機15分鐘後再開機..........採用缸內探溫...每3小時計...水冷機共開動1小時停止2小時...而水冷機內水缸探溫則開動90分鐘停90分鐘....效率似乎提升了30%...... ...多謝TURBO兄教左個咁好嘅方法...雖然當中遇過好多失敗...不過最終都成功左....

恭喜晒!最終你都DIY成功 最後你用0左幾多ohm 0既電阻搞掂

用0左9.6 ohm

oic! Good!

宜家用左缸內溫探....水冷開機情況明顯改善....少左好多....呢幾晚開房間冷氣...第2朝個缸得23-24度.....未改以前...部水冷會在熄冷氣後1-2小時內....量度水箱內水溫升至26.1度...開始運作....但改左之後....要到下午大概5時....缸內水溫先去到26.1度 (室溫同樣係30度)...水冷機先開機.....用~35-40分鐘降到24.9度熄機..........之後等1-2.5小時先升返去26.1度再開機.......開兩次機之後我都已經o係時候又開房間冷氣...咁部水冷就唔會再著...直至第2日下午大概5時先再開.............亦即係一日只係著機2次...同以前一日開十幾次...宜家真係開少好多好多.....正

Turbosky師兄, 我無辦法買到條接線, 仲有咩地方有得賣? 但係條senor線就買到, 都係50大元. 請問條接線個頭叫做咩? 可以點同d電子零件鋪講?

多謝師兄指點!

嘩!technical問題識答，呢個問題真係比你考起haha。我買呢個頭都係為0左唔想cut之前0個對sensor線，方便還原。其實如果無咁0既諗法就真cut張兩條線互相妞埋都得。至於個接頭我就唔知叫咩名，但係邊度買我之前已經打0左(響深水埗一間叫新昌0既雜貨舖買，位置就睇返前文)。如果新昌無得賣可試問華輝應該會有。

Turbosky師兄, 我已經問過新昌(生昌), 華輝, 同埋另外幾間鋪都無........因為我都唔想CUT條原裝線.
Anyway, 多謝師兄分享.