水草情迷

一個一呎方缸
種左少少陰性草(小水榕同沉木上有d莫絲)
有個氣泵+水妖

咁打出泥的氣會唔會打到d co2散失晒?
因為鯛缸冇草又唔係咁好睇,但鯛缸冇氣又唔得

咁點算好?
唔該晒

氣泵+水妖


我覺得用水妖就夠, 水妖都有打氣功能

你o既意思係咪你個缸又有打氣又有加 CO2? 同陽性草唔同, 陰性草其實唔駛加 CO2 都可以生得好好. 所以~~~~ 唔駛驚 CO2 散失 ~~~~ 而且~~~~ 直頭唔駛加.

我冇加co2
但植物都係要co2 ga ma
陰性草好似係要好少co2
但好似唔係唔洗co2

咁請問一下有冇人係陰性草缸養鯛?
仲有我想問下
成年的鯛比乜佢地食?
自己"夫"豐年蝦又好細
佢地唔知夠唔夠食
我屋企附近冇豐年成蝦賣
但又唔可以個個禮拜出魚街
有冇其他野可以比佢地食?

順便問下
水榕同莫絲係咪要好少光就得?
室內燈光夠唔夠?
或者用d普通光管夠唔夠?

唔該晒

打氣以經有 CO2 啦， 不過濃度限於同空氣一樣， 夠陰性草用啦。

你誤會左我意思喇, 我意思係唔駛另外加 CO2, 而唔係唔駛 CO2.

至於陰性草缸養鯛呢個問題呢, 以我所知, 其實應該係調番轉諗, 因為鯛魚喜歡較暗o既環境=>燈光唔夠=>唔適合種陽性草=>種陰性草

鯛魚食乜呢個問題我答唔倒你, 因為我冇養, 你o係鯛魚區搵下或者問下其他前輩啦.

水榕同莫絲係咪要好少光就得? 我試過室內燈光佢地都冇問題, 會唔會影響生長速度就我估應該會, 但因為佢地本身都生得幾慢, 所以我都比較唔倒 lu. 我個蝦缸種緊陰性草我都係用普通光管咋, 因為如果唔加光管睇唔倒蝦仔, D 鹿角鐵皇冠都 OK 呀, 仲靚過我放o係草缸o個陣. 希望幫倒你啦.

成年的鯛- 食tetrabits, 豐年蝦bb都ok

我見係魚街有d一罐罐的脫水豐年蝦
佢寫住話濕左水就好似解左凍的冷凍豐年蝦
可以比鯛食

有冇人用過?
佢地食唔食?
唔該晒

其实吾用CO2都无乜问题~
咁你米用水妖咯