水草情迷

小弟係新手, 玩左幾個月陰草,
想試下玩co2 種d陽草同紅草,

爬左一晚文,睇到好多師兄講新基, 新寶, 利發比較平

但係新基好似賣消防樽........會比較大,

利發有師兄話個鏢唔係好得, 好似好多時都要出去維修同換
同叉氣唔係好pro
最嚴重係有師兄爆埋個鏢成個樽好似急凍左咁..............

咁新寶呢?? 好似比較少見到有師兄提

係咪up牌的雙頭鏢/電池閥比較好, 同冇咁熱??
好似唔少師兄都話利發的電池閥好熱...........
可唔可以買個up牌的雙頭鏢/電池閥去以上幾間買個樽??

見到有人網上賣up牌的雙頭鏢/電池閥, 1kg鋁樽
但係冇保養......請問up牌的雙頭鏢/電池閥易壞嗎??

另外我個缸30"x12"x14"(高) 成三十至三十一度,
小弟唔識電工, 所以唔敢學各位師兄咁diy
去魚街買左一把四頭扇.......只係去到29度..........
聽講用磁浮扇同大風d可以降低d同靜d ,
請問有冇師兄有經驗可以告知小弟
同埋我個缸要幾多把磁浮扇??

好多問題.........
唔好意思, 有勞師兄

冇人回

我用up的,都唔係好熱.用了成年都無事.價錢都唔算貴.
但係聽過其它人用up好易壞,有d話二個月就壞.
都唔知點解?但我個就好地地.
你個魚缸咁大,風扇力量有限.
你話你個魚缸用幾多把好呢?如果一把降到一度,
你加30把就=0度 你信唔信呀.請量力而為啦.

小弟用左利發行co2 set 年幾都冇咩問題, 大缸用水冷好d, 但貴!

thx.
希望多d師兄可以講講用up牌的經驗

小弟現在用兩把磁浮扇中午去到27,
晚上26.5

今天實驗用家日的national 風扇
大風到水面有浪,好似打風咁
吹了四個鐘都係去到26.5
看來風扇係降極限........

但是令水温降到28以下已經很滿足

去到26度到己經係極限.keep到27度己經很好.
降得快當然會好似打風咁.

嘩.........用咁大把fan泥吹.............真係好似打風咁.
不如買把橫流扇la....work ga!
我個缸24"x12"x14",用一把9"橫流,一把磁浮輪流開,ok gar!