經過一輪勁煩住我同事之後(問左好多野)
﹐加上又見我舊同學仔都入左手501(好Q,細細個~
)﹐終於尋日大出血﹐入手 EDEN 511
(都幾貴下﹐$330﹐有張行貨貼紙﹐不過唔知真行定假行
)﹗再買埋黑珍珠(同事極力推薦)﹐同靚D的生化環﹐返屋企大改革
﹗(第一次用濾筒)
先講我個缸仔---15"(W) x 11"(D) x 14"(水深)﹔有幾株水蓉﹐幾隻蝦﹐1條金魚仔﹐幾條非洲皇子(已被我隔離
)﹐尋日再新加10條燈科紅斑馬(我叫紅衫魚)﹐諗住呢幾日再添加D新成員﹐不過睇定D個水質先。個缸係套缸﹐有燈有頂濾﹐尋日用左2粒鐘搞掂--換左511
﹗頂濾個盒用返﹐只係抽走左個潛水泵同喉﹐睇上去係無乜分別...不過條入水喉(插入缸抽水果支)好長﹗凸出上黎﹐呢幾日睇定D無問題先再鋸鬼左拒。
濾材用返原廠果D隔綿﹐中間果格D綿我剪走左部份唔要
﹐補加生物環同黑珍珠
﹐第3格當然係主腳生物環同黑珍珠同舊果D生物環啦
。原廠果D我無用到
。
插好喉﹐入水﹐開機﹗正如睇POST話有氣打入﹐一如所料﹐息一息機﹐再開﹐都有氣﹐跟住唔知點解手痕去將個出水喉個掣(紅色果個)拎細少少﹐出水慢左﹐然後....哈~D氣開始慢慢消失﹗無左﹗哈哈~再開返大個掣﹐一樣無氣~ 條氣順晒~
﹗唔洗搖~ 跟住就真係嚇我一跳﹐個濾筒好靜﹗真係好靜﹗要烘個頭埋去先聽到。出乎意料﹗
起初因為洗一洗缸邊D青苔﹐搞一搞D木呀﹐石呀等﹐搞到煙塵四起﹐開機後半粒鐘唔洗D水清晒﹗幾好﹗D水流又大﹐我嫌略大小小﹐所以息細左個掣。
經過一晚﹐感覺幾好~
﹐好滿意。
呀﹐想問下﹐有無用緊511的師兄將個入水出水(機果邊)加開關掣﹖因為我問過同事﹐一般中型~大型的濾筒有開關掣的﹐洗濾筒時只需要關左D喉﹐拔喉就洗得﹐而家我發現D息機D水仲停留響D喉到﹐又無開關﹐洗果時米好麻煩﹖﹖
所以我想加兩個開關落去鎖住D水。
登入
註冊
問答集
本說明書仲簡單過百X超市D食物標籤....唉